កាលពីអំឡុងចុងឆ្នាំ ២០២៤ កន្លងទៅ អ្នកតាមដានជីវិតគូរបស់លោក ម៉ាដូណា និង គូស្នេហ៍ប្រុស គឺលោក ហេង មានការភ្ញាក់ផ្អើលយ៉ាងខ្លាំង បន្ទាប់ពីលោក ហេង បានប្រកាសពីការបែកគ្នារបស់អ្នកទាំង ២ នៅលើបណ្តាញសង្គមហ្វេសប៊ុក ក្រោយទាក់ទងគ្នាអស់រយៈពេល ៨ ឆ្នាំ។ ក្នុងនោះដែរ លោក ហេង ក៏បានបញ្ជាក់ថា ការចែកផ្លូវគ្នានេះ គឺមិនមែនមានបញ្ហា ឬអ្នកទី ៣ នោះឡើយ។
យ៉ាងណាមិញ កន្លងទៅថ្មីៗនេះ ពោលគឺក្រោយប្រកាសបែកគ្នាមួយរយៈ ស្រាប់តែ លោក ហេង បានបង្ហោះវីដេអូនៅលើគណនី Tik Tok និង សារនៅលើគណនីហ្វេសប៊ុក រៀបរាប់ពីស្ថានភាពរបស់ខ្លួន ដែលឈឺចូលពេទ្យ ដោយត្រូវបានអតីតសង្សារ គឺលោក ម៉ាដូណា មកមើលថែ និង ចេញលុយថ្លៃព្យាបាលឱ្យ ដោយមើលទៅលោក ម៉ាដូណា ហាក់បង្ហាញការបារម្ភ យកចិត្តទុកដាក់ដល់អតីតមិត្តប្រុសនៅឡើយ។
ម្យ៉ាងវិញទៀត នៅពីអំឡុងចុងខែ មីនា ឆ្នាំ ២០២៥ នេះ អ្វីដែលកាន់តែធ្វើឱ្យអ្នកគាំទ្រមានការសង្ស័យ និង លើកឡើងថា លោក ម៉ាដូណា និង អតីតមិត្តប្រុស អាចនឹងត្រូវគ្នាវិញឬយ៉ាងណា ក៏ព្រោះតែអតីតគូស្នេហ៍មួយគូនេះ បាននាំគ្នាទៅដើរកម្សាន្តនៅឯប្រទេសថៃជុំគ្នា។ ក្នុងនោះ គេក៏ឃើញលោក ម៉ាដូណា បង្ហោះរូបភាពគូចាស់ៗជាច្រើនសន្លឹកនៅលើគណនី Tik Tok រហូតធ្វើឱ្យអ្នកគាំទ្រសួរនាំជាច្រើនហូរហែផងដែរ៕
សូមចុចទីនេះ ដើម្បីទស្សនាវីដេអូ៖
