ជឿជាក់ថា ប្រិយមិត្តច្បាស់ជានៅចាំបាននៅឡើយ កាលពីពិធីមង្គលការរបស់តារាចម្រៀងអ្នកនាង ទេព បូព្រឹក្ស និង លោក ជី ដេវីត កាលពីថ្ងៃទី ៧ ខែមិថុនា ឆ្នាំ ២០២៥ កន្លងទៅនោះ អ្នកគាំទ្របានចាប់អារម្មណ៍នឹងតារាចម្រៀង ពេជ្រ សូលីកា ជាច្រើន ខណៈអ្នកម៉ាក់កូន ១ រូបនេះ បានបណ្តើរបុរសអ្នកក្រៅសិល្បៈម្នាក់ចូលរួមកម្មវិធីខាងលើ។
ក្នុងនោះដែរ បុរសសង្ហារូបនោះ បានទៅចូលរួមកម្មវិធីជាមួយគ្នានឹងអ្នកនាង ពេជ្រ សូលីកា ព្រមទាំងចុះពីឡានតែមួយ រហូតធ្វើឱ្យអ្នកគាំទ្រសង្ស័យពីទំនាក់ទំនងរបស់តារាចម្រៀងស្រីខាងលើ និង បុរសរូបនោះទៀតផង។ តែយ៉ាងណាក៏ដោយ មិនប៉ុន្មានថ្ងៃ អ្នកនាង ពេជ្រ សូលីកា បានចេញមកបង្ហោះសារថា អ្នកនាងនៅ Single ដដែលទេ។
យ៉ាងណាមិញ ស្រាប់តែថ្មីៗនេះ គេបានឃើញវីដេអូមួយទៀតរបស់អ្នកនាង ពេជ្រ សូលីកា និង បុរសសង្ហាខាងលើបង្ហាញភាពស្និទ្ធស្នាលជាថ្មីនៅលើ Tik Tok ដែលកាន់តែធ្វើឱ្យអ្នកគាំទ្រកាន់តែស្រពិចស្រពិលថា តើអ្នកនាង ពេជ្រ សូលីកា និង បុរសរូបសង្ហាអ្នកក្រៅសិល្បៈរូបនោះ ជាអ្វីនឹងគ្នាពិតប្រាកដ។ ដោយឡែក ក៏មានអ្នកធ្លាប់ស្គាល់ក៏បានលើកឡើងថា អ្នកទាំង ២ គ្រាន់តែជាមិត្តភក្តិនឹងគ្នាប៉ុណ្ណោះ៕
សូមចុចទីនេះ ដើម្បីទស្សនាវីដេអូ៖
