រយៈពេលជិត ២ ខែហើយ ដែលពិធីការិនី ហ៊ិន នីរ័ត្ន និង ស្វាមី បានទទួលចំណងដៃជីវិតដ៏មានតម្លៃ គឺជាកូនប្រុសដ៏គួរឱ្យក្នាញ់ដាក់ឈ្មោះថា ឌី ពេជ្ររ័ត្នបញ្ញាបុត្រ ដោយបានសម្រាលឃើញពន្លឺព្រះអាទិត្យក្រោមការអបអរសាទរពីសំណាក់សាច់ញាតិបងប្អូន និង មិត្តអ្នកសិល្បៈ ក៏ដូចជាអ្នកគាំទ្រលើបណ្ដាញសង្គម។
ពេលនេះដែរ អូនតូច ឌី ពេជ្ររ័ត្នបញ្ញាបុត្រ កូនប្រុសបណ្ដូលចិត្តរបស់អ្នកនាង ហ៊ិន ច័ន្ទនីរ័ត្ន និង ស្វាមី មើលទៅកាន់តែគួរឱ្យក្នាញ់ សាច់ឈាមទ្រលុកទ្រលន់ មុខមាត់ឡើងក្រឡង់ៗ ដែលទទួលបានការមើលថែថ្នាក់ថ្នមយ៉ាងកក់ក្ដៅពីប៉ាម៉ាក់។
ជាក់ស្ដែង ថ្មីៗនេះ ខណៈអូនតូច បញ្ញាបុត្រ ជិតបាន ២ ខែ អ្នកម៉ាក់ ហ៊ិន ច័ន្ទនីរ័ត្ន បង្ហោះវីដេអូបង្ហាញពីមុខមាត់ដ៏គួរឱ្យក្នាញ់របស់កូនប្រុសបណ្ដូលចិត្ត ដែលឃើញថាកាន់តែឃ្យូតភ្នែកក្រឡង់ៗ កំពុងធ្វើឱ្យបណ្ដាអ្នកគាំទ្រលើហ្វេសប៊ុក ឃើញហើយគ្រឺតក្នាញ់ចង់ថើបអូនតូចផងដែរ៕
សូមចុចទីនេះដើម្បីទស្សនាវីដេអូ៖
