កាលពីថ្ងៃទី ២៨ ខែមីនា ឆ្នាំ ២០២៥ កន្លងទៅ មានគ្រោះរញ្ជួយដីដ៏ខ្លាំងក្លាមួយកម្រិត ៧.៧ រ៉ិចទ័រ បានវាយប្រហារប្រទេសមីយ៉ាន់ម៉ា និង បានបង្កការរញ្ជួយដល់ប្រទេសក្បែរខាងរួមមានប្រទេសថៃជាដើម បណ្ដាលឱ្យមានភាពចលាចលមនុស្សរត់ភៀសខ្លួនចេញពីអគារមកពេញតាមដងផ្លូវ និង អគារខ្ពស់ៗមួយចំនួនរងការផ្អៀងប្រេះស្រាំ និង ឈានរហូតដល់ការបាក់រលំក៏មាន។
ជាក់ស្ដែង អគារដែលរលំមានទីតាំងនៅម្ដុំ Chatuchak ក្រុងបាងកក ប្រទេសថៃ បានរលំរាបដល់ដីក្រោយរងការវាយប្រហារដោយគ្រោះរញ្ជួយដី សង្កត់កម្មករអស់ជាច្រើននាក់គួរឱ្យរន្ធត់ជាទីបំផុត ហើយក្នុងហេតុការណ៍នេះដែរ គេក៏បានឃើញប្រជាជនកម្ពុជាជាច្រើន ក៏ស្ថិតនៅបាងកកដូចគ្នាដែរ។
តួយ៉ាង កាលពីថ្ងៃទី ២៨ ខែមីនា ឆ្នាំ ២០២៥ កន្លងទៅនេះ អ្នកនាង លីម សុគន្ធារី ដែលជាភរិយាលោក កែវ វាសនា ក៏បានបង្ហោះវីដេអូបង្ហាញពីក្រុមគ្រួសារ ដែលបានស្ថិតក្នុងហេតុការណ៍ក្នុងប្រទេសថៃដូចគ្នាដែរ ខណៈក្មួយរបស់អ្នកនាងកំពុងសម្រាកព្យាបាលនៅទីនោះ។
អ្វីដែលធ្វើឱ្យមហាជន និង អ្នកគាំទ្រ ភរិយាលោក កែវ វាសនា កាន់តែក្តុកក្តួលនោះ គឺក្មួយរបស់អ្នកនាង លីម សុគន្ធារី នៅតូចមិនទាន់ដល់ ១ ឆ្នាំ ផង ដែលទើបវះកាត់ហើយនៅទីនោះ តែត្រូវម្ដាយបីចេញរត់ចេញមកក្រៅ ដើម្បីរកកន្លែងសុវត្ថិភាព៕
សូមចុចទីនេះ ដើម្បីទស្សនាវីដេអូ៖
