(វីដេអូ) អាចនឹងដំបូងគេ! វណ្ណដា បង្ហើបកំពុងសិក្សាទម្រង់តន្ត្រីអកេះស្ត្រាជាមួយឧបករណ៍តន្ត្រីខ្មែរដែលពុំធ្លាប់មាន

ទើបតែបញ្ចប់ការប្រគំតន្ត្រីទោលចំនួន ២ ខេត្ត/ក្រុង «ត្រីវិស័យ សម័យមាស» នៅឯខេត្តបាត់ដំបង និង «ត្រីវិស័យ សុវណ្ណភូមិ» នៅឯទីក្រុងភ្នំពេញ មិនបានប៉ុន្មានផង តារាចម្រៀងរ៉េប វណ្ណដា ធ្វើឱ្យអ្នកគាំទ្រនៅមិនសុខក្រោយលោកបានឱ្យដឹងពីរឿងមួយ។

ក្នុងនោះ តារាចម្រៀងរ៉េប វណ្ណដា បានបង្ហាញរូបភាពរបស់ខ្លួន នៅក្នុងសាលមហោស្រពមួយ ក៏ដូចជាបានភ្ជាប់នូវរូបភាពនៃតន្ត្រី Orchestra ឬតន្ត្រី អកេះស្ត្រា ពីបរទេសនៅលើផេកហ្វេសប៊ុកផ្លូវការរបស់លោក និង បញ្ជាក់ថា លោកកំពុងគិត និង សិក្សាពីការប្រគំតន្ត្រី « ត្រីវិស័យ-TREYVISAI ORCHESTRA អកេះស្ត្រា»។

តាមរយៈសំណេររបស់លោក វណ្ណដា បានរៀបរាប់ថា៖ «ខ្ញុំកំពុងអង្គុយគិត និង សិក្សាអំពី «ត្រីវិស័យ-TREYVISAI ORCHESTRA អកេះស្ត្រា» បងប្អូនគិតយ៉ាងណា បើខ្ញុំនឹងរៀបចំឱ្យមានចំណីអារម្មណ៍ថ្មីមួយនេះ លាយជាមួយឧបករណ៍ភ្លេងខ្មែរទាំងអស់នាពេលអនាគត?»។ ភ្លាមនោះដែរ អ្នកគាំទ្របានចូលទៅបញ្ចេញមតិគាំទ្រ និង ចង់ឃើញរូបភាពនៃការប្រគំតន្ត្រីបែប អកេះស្ត្រា លាយនឹងតន្ត្រីបុរាណខ្មែរលេចជារូបរាងក្នុងពេលឆាប់ៗខាងមុខនេះដែរ។

គួរជម្រាបថា តន្ត្រី Orchestra ឬតន្ត្រី អកេះស្ត្រា គឺជាប្រគំតន្ត្រីដោយឧបករណ៍តន្ត្រីជាច្រើនរួមបញ្ជូលគ្នា ហើយភាគច្រើន គឺមានតែនៅក្រៅប្រទេសប៉ុណ្ណោះ៕

សូមចុចទីនេះ ដើម្បីទស្សនាវីដេអូ៖