មហាជនអ្នកគាំទ្រសុទ្ធសឹងតែជ្រាបហើយពីពិធីការិនីរូបស្រស់សាច់ចាំ កញ្ញា ហេង កែវនីតា ដែលជាពិធីការិនីដ៏ឆ្នើមមួយរូបក្នុងវិស័យសិល្បៈ ដោយកន្លងមកតែងទទួលបានការសរសើរពីមហាជន ជាមួយសមត្ថភាព ទេពកោសល្យដ៏ប៉ិនប្រសប់នៃវោហារស័ព្ទជាពិធីការិនីរបស់នាង និង ក្ដោបបានទីផ្សារខ្លាំងលើវិស័យនេះ។
ក្រៅពីជីវិតសិល្បៈ ពិធីការិនី ហេង កែវនីតា ក៏ត្រូវបានមហាជនចាប់អារម្មណ៍លើជីវិតឯកជនដែរ ដោយនាងអាចចាត់ទុកជាសិល្បករមួយរូបមានជីវិតជោគជ័យហាយសូរមិនធម្មតាដែរ។ រីឯរឿងរ៉ាវស្នេហាវិញ កន្លងមក កញ្ញា ហេង កែវនីតា មិនធ្លាប់ឃើញបង្ហាញពីទំនាក់ទំនងស្នេហា ឬគិតគូរខ្វល់ខ្វាយរឿងសាងជីវិតគ្រួសារឡើយ ដោយគេឃើញតែសកម្មភាបរបស់នាងចាយជីវិតនៅលីវយ៉ាងរីករាយ។
ដោយឡែក មកដល់ថ្មីៗនេះ ពិធីការិនី ហេង កែវនីតា បានធ្វើឱ្យមហាជនអ្នកគាំទ្រលើបណ្ដាញសង្គម ក៏ដូចជាអ្នកសិល្បៈមានការចាប់អារម្មណ៍ភ្ញាក់ផ្អើល និង អបអរខ្លាំង ខណៈបានឃើញនាងសម្រេចបង្ហាញមុខគូស្នេហ៍រូបសង្ហា និង បានកាន់ដៃគ្នារៀបចំកម្មពិធីភ្ជាប់ពាក្យ នៅព្រឹកថ្ងៃទី ១៩ ខែកញ្ញា ឆ្នាំ ២០២៥ នេះហើយ។
នេះបើតាមរយៈការបង្ហោះវីដេអូលើហ្វេសប៊ុករបស់ពិធីការិនី ហ៊ិន ច័ន្ទនីរ័ត្ន ដែលបានទៅចូលរួមពិធីភ្ជាប់ពាក្យរបស់ពិធីការិនី ហេង កែវនីតា និង ភ្ជាប់ជាមួយសារអបអរជូនពរមិត្តពេញដោយក្ដីរំភើបថា ៖ «លក់ចេញ ១ ទៀតហើយ congratulations sister and brother Heng Keo Nita Ke Ko Sal»៕
សូមចុចទីនេះដើម្បីទស្សនាវីដេអូ៖
