បន្ទាប់ពីរងចាំរយៈពេល ៩ ខែ ១០ ថ្ងៃ ទីបំផុត តារាចម្រៀង សួស វីសា និង លោក ថមមី បានឃើញមុខទាយាទទី ២ ហើយ ជាកូនប្រុស ពោលគឺអ្នកនាង សួរ វីសា បានសម្រាលកូនដោយសុវត្ថិភាពហើយ ដោយការវះកាត់នៅព្រឹកថ្ងៃទី ៣ ខែមេសា ឆ្នាំ ២០២៥ នេះ។
តាមរយៈវីដេអូបង្ហោះលើហ្វេសប៊ុករបស់លោក ថមមី ទទួលស្វាគមន៍កូនប្រុសទី ២ ពេញដោយក្ដីរំភើប ដែលកូនប្រុសរបស់លោកមានមុខមាត់គួរឱ្យស្រឡាញ់ខ្លាំង ដោយលោក និង ភរិយា បានដាក់ឈ្មោះឱ្យកូនប្រុសថា ថង សាតារាពិសិទ្ធិ ហៅ ចននី។
ក្នុងនោះ លោក ថមមី បានសរសេរសារភ្ជាប់ជាមួយវីដេអូស្វាគមន៍ទាយាទដំបូងយ៉ាងរំភើបថា ៖ «ស្វាគមន៍សមាជិកថ្មី កូនប្រុសប៉ាម៉ាក់ កូនប្រុស (ថង សាតារាពិសិទ្ធិ) ហៅអូន ចននី កូនប្រុសទី 1 របស់ប៉ាម៉ាក់ ចូលសម្រាកត្រៀមកើតថ្ងៃទី 02 ម្សិលមិញ ឥឡូវបានកើតហើយ អូនកើតថ្ងៃទី 3 ខែ04 ឆ្នាំ 2025 វេលាម៉ោង 6 និង 7 នាទីព្រឹកនេះ សូមអរគុណប្រពន្ធសម្លាញ់ បានបង្កើតកូនប្រុសម្នាក់នេះ មកជូនគ្រួសារយើង នេះជាកាដូដ៍ធំធេងខ្លាំង និង មានន័យសម្រាប់ជីវិតបង អរគុណកូនប្រុសបានចូលមកបំពេញជីវិតគ្រួសារយើង»។
ទន្ទឹមនឹងនោះដែរ មហាជន ក៏ដូចជាមិត្តក្នុងសិល្បៈជាច្រើន កំពុងបង្ហាញការចូលរួមអបអរសាទរដល់លោក និង ភរិយា ដែលទើបតែទទួលបានសមាជិកថ្មីយ៉ាងគួរឱ្យក្នាញ់រូបនេះផងដែរ៕
សូមចុចទីនេះដើម្បីទស្សនាវីដេអូ៖
