កម្មវិធីប្រកួតសម្រស់លំដាប់ពិភពលោក Miss Intercontinental 2024 ដែលប្រព្រឹត្តឡើងនៅប្រទេសអេស្ស៊ីប នៅថ្ងៃទី ៦ ខែធ្នូ ឆ្នាំ ២០២៤ នេះ បានរកឃើញម្ចាស់ជ័យលាភីគ្រងមកុដ Miss Intercontinental ប្រចាំឆ្នាំ ២០២៤ ហើយ គឺបានទៅលើបរវកញ្ញាមកពីប្រទេស Puerto Rico។
ក្នុងវគ្គប្រកាសលទ្ធផលផ្ដាច់ព្រ័ត្រនេះដែរ ចំពោះបវរកញ្ញាកម្ពុជាយើង គឺកញ្ញា ផន ស្រីពី ក៏បានធ្វើឱ្យមហាជនអ្នកគាំទ្រវិស័យបវរកញ្ញាកម្ពុជាពិតជាមានក្ដីរំភើប និង មោទកភាពខ្លាំងចំពោះនាង ខណៈកម្មវិធីបានប្រកាសកម្ពុជាចូលក្នុង Top ២២ នាក់ចុងក្រោយ។
ដ្បិតតែបវរកញ្ញារូបនេះ មិនមានឱកាសបោះជំហានចូល Top ជ្រៅជាងនេះមែន ប៉ុន្តែនាងក៏ធ្វើបានយ៉ាងអស្ចារ្យអាចឈានចូល Top ក្នុងកម្មវិធីលំដាប់ពិភពលោកដ៏អស្ចារ្យនេះ ដែលជាឆ្នាំដំបូងសម្រាប់ប្រទេសកម្ពុជាចូលរួមប្រកួតផងដែរ។
យ៉ាងណាមិញ ក្រោយពីបានបញ្ចប់ការប្រកួតយ៉ាងរលូន និង ទទួលបានលទ្ធផលល្អនេះដែរ ផន ស្រីពី កំពុងត្រូវបានមហាជនអ្នកគាំទ្រ ក៏ដូចជាអ្នកសិល្បៈជាច្រើនបានផ្ទុះការចែករំលែកអបអរ និង បង្ហាញក្ដីរំភើបពេញដោយមោទកភាពចំពោះបវរកញ្ញារូបនេះ៕
សូមទស្សនាវីដេអូខាងក្រោម៖
