ជាការពិតណាស់ ប៉ុន្មានថ្ងៃមកនេះរឿងរ៉ាវល្បែងអនឡាញកំពុងផ្ទុះល្បីជាថ្មីលើបណ្តាញសង្គមនានា ដែលត្រូវលើកមកវែកញែកជាបន្តបន្ទាប់ហាក់មិនស្ងប់ស្ងាត់នោះឡើយ។
ក្នុងនោះដែរ ក៏មានសិល្បករ សិល្បការិនីមួយចំនួនបានចេញមុខមកនិយាយរឿងល្បែងអនឡាញដូចគ្នាដែរ ខណៈមានបណ្តាក្រុមហ៊ុនហ្គេមអនឡាញខ្លះបានជ្រើសរើសសិល្បករ សិល្បការិនីមកផ្សព្វផ្សាយល្បែងរបស់ពួកគេ។
ដោយឡែក ក្រឡេកមកមើល ហ៊ាទី បានចេញមុខមកបង្ហោះវីដេអូពាក់ព័ន្ធនឹងហ្គេមអនឡាញនេះដែរ ដោយលោក និង ក្រុមសម្តែងរបស់លោករួមមាន កញ្ញា ជឿន និង អ្នកនាស ស៊ូស៊ី ក៏ធ្លាប់មានក្រុមហ៊ុនហ្គេមអនឡាញទាក់ទងមកឱ្យផ្សព្វផ្សាយពាណិជ្ជកម្មដែរ ប៉ុន្ដែត្រូវបានលោកបដិសេធ។
តាមរយៈវីដេអូ ហ៊ាទី បានបង្ហោះឡើងនោះ លោកបានបញ្ជាក់ថា លោក និង ក្រុមសម្តែង គឺមិនទទួលការថតផ្សព្វផ្សាយពាណិជ្ជកម្មហ្គេមអនឡាញនោះឡើយ ខណៈមានក្រុមហ៊ុនហ្គេមអនឡាញជាច្រើនបានឆាតមកទាក់ទងលោក។ លើសពីនោះទៀត ហ៊ាទី បានបញ្ជាក់ និង សច្ចាថាមិនទទួលផ្សព្វផ្សាយល្បែងដាច់ខាត៕
សូមទស្សនាវីដេអូខាងក្រោម៖
