នៅរាត្រីថ្ងៃទី ២៤ ខែមិថុនា ឆ្នាំ ២០២៥ កន្លងទៅនេះ កម្មវិធីប្រកួតសម្រស់អន្តរជាតិ Miss Supranational 2025 បានឈានដល់វគ្គប្រកួតបឋម ដែលតម្រូវឱ្យបេក្ខភាពតំណាងប្រទេសនីមួយៗ ធ្វើការដើរបញ្ចេញសមត្ថភាពរៀងៗខ្លួនជាមួយឈុតរាត្រីសមោសរ និង ឈុតប៊ីគីនី នៅលើឆាកកម្មវិធីប្រកួតដ៏អស្ចារ្យមួយនេះ។
ក្នុងវគ្គប្រកួតបឋមនេះដែរ ក្រឡេកមើល Miss Supranational តំណាងឱ្យកម្ពុជាយើងវិញ កញ្ញា ឈុំ ចាន់ដារ៉ា បានដើរបង្ហាញសមត្ថភាពយ៉ាងស្វាហាប់ និង ជឿជាក់ ពោរពេញដោយទំនុកចិត្តបំផុតទាំងការដើរបង្ហាញខ្លួនក្នុងឈុតប៊ីគីនី និង ឈុតរាត្រីសមោសរដោយបានធ្វើឱ្យមហាជនមើលហើយរំភើបចិត្ត។
វីដេអូនៃការដើរបង្ហាញសមត្ថភាពរបស់ ឈុំ ចាន់ដារ៉ា ក្នុងវគ្គប្រកួតបឋមនេះ កំពុងផ្ទុះចាប់អារម្មណ៍ចែករំលែក និង សរសើរខ្លាំងពីមហាជនអ្នកគាំទ្រចំពោះបវរកញ្ញារូបនេះ ព្រមទាំងកាន់តែមានទំនុកចិត្តខ្លាំងចំពោះនាងថានឹងអាចទទួលបានលទ្ធផលល្អត្រឡប់មកមាតុភូមិវិញ ដែលការប្រកួតផ្ដាច់ព្រ័ត្រនឹងធ្វើឡើងនៅរាត្រីថ្ងៃទី ២៦ ខែមិថុនា ឆ្នាំ ២០២៥៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
