អ្នកគាំទ្រតារាចម្រៀងប្រុស ណាន វីសារ ច្បាស់ជាបានជ្រាបមកហើយ ពីលោកឪពុករបស់លោក ក៏ជាកងទ័ពជួរមុខមួយរូបឈរជើងក្នុងសមរភូមិយ៉ាងអង់អាចក្លាហាន។
ក្នុងនោះ កាលពីថ្ងៃទី ០៥ ខែសីហា ឆ្នាំ ២០២៥ កន្លងទៅ លោក ណាន វីសារ បានបង្ហាញពីក្តីបារម្ភ និង ស្ថានភាពរបស់លោកឪពុក ដែលបានរងរបួសធ្ងន់ក្នុងសមរភូមិដោយសារតែត្រូវផ្សែងពុលរបស់ថៃ និង ត្រូវសម្រាកព្យាបាលនៅមន្ទីរពេទ្យ។
រយៈពេលប្រមាណកន្លះខែមកហើយ ដែលលោកឪពុករបស់លោក ណាន វីសារ បានសម្រាកនៅឯមន្ទីរពេទ្យ តែយ៉ាងណាមិញស្ថានភាពសុខភាពរបស់លោកឪពុកតារាចម្រៀងប្រុសរូបនេះ កាន់តែធ្ងន់ ខណៈធ្វើទុក្ខខ្លាំងដោយសារផ្សែងពុលបណ្ដាលឱ្យប៉ះពាល់ដល់ផ្លូវដង្ហើម និង កំពុងសង្គ្រោះក្នុងមន្ទីរពេទ្យ។
ជាក់ស្តែងកាលពីយប់ ថ្ងៃទី ១៩ ខែសីហា ឆ្នាំ ២០២៥ កន្លងទៅ ដោយឃើញសុខភាពលោកឪពុកនៅមិនទាន់ធូរស្បើយនោះលោក ណាន វីសារ បង្ហាញអារម្មណ៍ទទួលយកមិនបានពេលឃើញលោកឪពុកធ្វើទុក្ខម្តងៗដោយរៀបរាប់ថា៖ «ខ្ញុំស្អប់អារម្មណ៍មួយនេះណាស់»។ លើសពីនោះ លោក ណាន វីសារ បានបន្ថែមទៀតថា៖ «ប៉ារបស់ខ្ញុំបានបូជាសាច់ស្រស់ ឈាមស្រស់ សម្រាប់ទឹកដីមួយនេះ! ប៉ាត្រូវតែសុវត្ថិភាពណាប៉ា»៕
សូមចុចទីនេះ ដើម្បីទស្សនាវីដេអូ៖
