និយាយពីជីវិតគ្រួសាររបស់កំពូលតារាចម្រៀងឧកញ៉ា ខេមរៈ សិរីមន្ត គិតមកដល់ពេលនេះ រយៈពេលជិត ២០ ឆ្នាំមកហើយ ដែលឧកញ៉ាបានចាប់ដៃភរិយា គឺលោកជំទាវ ផល្លី សាងគ្រួសារយ៉ាងមានសុភមង្គល និង ទទួលបានចំណងដៃកូនប្រុសស្រីចំនួន ៣ នាក់។
ក្នុងនោះដែរ ឧកញ៉ា ខេមរៈ សិរីមន្ត ក៏ត្រូវបានមហាជនអ្នកគាំទ្រជាច្រើនបានសរសើរនឹងជីវិតគូរបស់ឧកញ៉ា ដែលមានភរិយាល្អទាំងព្រម ដោយពូកែទាំងការងារផ្ទះ មើលថែកូនៗ និង ស្វាមី ព្រមទាំងជាអ្នកជំនួញមួយរូបទៀតផង។
ចំពោះឧកញ៉ា ខេមរៈ សិរីមន្ត ផ្ទាល់វិញ ដ្បិតតែមានគោរមងារជាឧកញ៉ា និង មមាញឹកការងារច្រើន តែកន្លងមក ឧកញ៉ាក៏ត្រូវបានមហាជនសរសើរលើការសាងជីវិតគ្រួសារដ៏កក់ក្ដៅមានសុភមង្គល ជាពិសេសឃើញលោកបំពេញតួនាទីជាប៉ា ជាស្វាមីដ៏ល្អ មើលថែប្រពន្ធកូន និង ជួយការងារផ្ទះផ្សេងៗទៀតផង។
ដោយឡែក អ្វីដែលធ្វើឱ្យមហាជនអ្នកគាំទ្រកាន់តែសរសើរចំពោះ ឧកញ៉ា ខេមរៈ សិរីមន្ត មិនត្រឹមតែមើលថែក្រុមគ្រួសារប្រពន្ធកូនបានល្អនោះទេ ឧកញ៉ាក៏បង្ហាញពីតួនាទីជាកូនប្រសាប្រុស មើលថែអ្នកមានគុណ ដែលជាឪពុកម្ដាយក្មេកផងដែរ ខណៈថ្មីៗនេះ បានឃើញ ឧកញ៉ា បង្ហាញសកម្មភាពបកស្រាយចម្រៀងបំពេអារម្មណ៍អ្នកម្ដាយក្មេកដែលកំពុងមានជំងឺ ដើម្បីជួយសម្រាលឱ្យម្ដាយឆាប់ជាសះស្បើយទៀតផង៕
សូមចុចទីនេះដើម្បីទស្សនាវីដេអូ៖
