គិតមកដល់ពេលនេះ រយៈពេលប្រមាណ ១ ខែមកហើយ ដែលតារាចម្រៀងរ៉េប KingChi បានប្រកាសពីសុខទុក្ខជំងឺរបស់ភរិយាត្រូវលាងឈាមជាប្រចាំ និង ត្រូវវះកាត់ប្តូរក្រលៀនផងនោះ។
ក្រោយពីលាងឈាមបានមួយរយៈ ពោលគឺនៅក្នុង ១ សប្តាហ៍ ៣ ដងនោះ ភរិយាតារាចម្រៀងរ៉េប KingChi ក៏តម្រូវទៅវះកាត់ប្តូរក្រលៀនឱ្យបានឆាប់បំផុត នេះបើតាមការណែនាំរបស់គ្រូពេទ្យ។
ជាការពិត ក្រោយពីទទួលបានដំណឹងនេះហើយ គេបានឃើញមហាជន អ្នកគាំទ្រ និង មិត្តសិល្បករជាច្រើន បានចូលរួមជាចំណែកមួយជួយសម្រួលដល់ KingChi ក្នុងការព្យាបាលភរិយា តាមរយៈការជូនជាថវិកាដល់លោកផងដែរ។ លើសពីនោះ នៅថ្ងៃទី ២១ ខែមិថុនា ឆ្នាំ ២០២៤ នេះ តារាចម្រៀង KingChi និង មិត្តរួមសិល្បៈជាច្រើនទៀតបានរៀបចំការប្រគំតន្ត្រី លក់សំបុត្រ ដើម្បីប្រមូលថវិកា KingChi ដើម្បីវះកាត់ភរិយាផងដែរ។
ដោយឡែក អ្វីដែលកាន់តែស្រណោះ នៅក្នុងកិច្ចសម្ភាសមួយ តារាចម្រៀងរ៉េប KingChi ឆ្លើយទាំងអួលដើម-ក ស្រណោះពាក្យប្រពន្ធនៅលើគ្រែពេទ្យថា ៖ «ខ្លួនចង់រស់បាន ១០ ឆ្នាំ ទៀត ដើម្បីបានឃើញកូនធំៗពេញកំលោះ»៕
សូមចុចទីនេះ ដើម្បីទស្សនាវីដេអូ៖
