និយាយពីជីវិតឯកជនពិធីការិនីល្បីឈ្មោះអ្នកនាង យុគ ចិន្តា មហាជនអ្នកគាំទ្រសុទ្ធសឹងតែបានជ្រាបហើយ បច្ចុប្បន្នមិនត្រឹមតែជោគជ័យលើវិស័យសិល្បៈនោះទេ តែពិធីការិនីរូបនេះ កំពុងកាន់កាប់មុខជំនួញផ្ទាល់ខ្លួនជាច្រើនជាមួយកូនស្រីបណ្ដូលចិត្តវ័យ ២០ ឆ្នាំ យ៉ាងជោគជ័យកាក់កបរស់នៅក្នុងជីវិតធូរធារពេញដោយក្ដីសុខ។
ទាក់ទងនឹងជីវិតស្នេហាវិញ ក្រោយជួបរឿងមិនសមបំណងប៉ុន្មានដង ឃើញថាជាច្រើនឆ្នាំកន្លងមកនេះ ពិធីការិនី យុគ ចិន្តា មិនធ្លាប់បើកបង្ហាញ ឬគិតគូររឿងជីវិតគូជាសាធារណៈទៀតឡើយ ដោយគ្រាន់តែងបង្ហាញពីសកម្មភាពរស់នៅជាមួយកូនស្រីបណ្ដូលឈ្មោះ អម ទៅណាមកណាបណ្ដើរតែកូនស្រីយ៉ាងរីករាយ ស្ពាយឈ្មោះជា Single Mom រហូតមក។
ដោយឡែក ថ្មីៗកន្លងទៅនេះ អ្វីដែលធ្វើឱ្យអ្នកគាំទ្រចាប់អារម្មណ៍លើជីវិតស្នេហារបស់ពិធីការិនីដ៏ឆ្នើមរូបនេះ ខណៈបានឃើញអ្នកនាងនិយាយក្នុងកិច្ចសម្ភាស «សខ្មៅ» ជុំវិញរឿងឯកជន និង ជីវិតស្នេហា ដែលបានទម្លាយឱ្យដឹងថាតាមពិតបច្ចុប្បន្ន គឺអ្នកនាងមានដៃគូជីវិតហើយ គ្រាន់តែមិនចូលចិត្តបង្ហាញដោយរក្សាទុកក្នុងចិត្ត ព្រោះអ្នកនាងគិតថាមិនដឹងថ្ងៃមុខទៅអាចនឹងជាគូជីវិតសមបំណងរហូត ឬយ៉ាងណាឡើយ៕
សូមចុចទីនេះដើម្បីទស្សនាវីដេអូ៖
