បើគិតមកដល់ពេលនេះ រយៈពេល ៨ ឆ្នាំ មកហើយ ដែលអ្នកនាង សុគន្ធ និសា និង ស្វាមី គឺលោក ចៅ សម្បត្តិ បានរៀបអាពាហ៍ពិពាហ៍ក្លាយជាគូស្វាមីកាលពីថ្ងៃទី ០១ ខែមករា ឆ្នាំ ២០១៧។ ក្នុងនោះ ក្រោយពីចាប់ដៃគ្នាសាងគ្រួសារហើយនោះ អ្នកនាង សុគន្ធ និសា និង ស្វាមី ត្រូវបានមហាជនរាប់បញ្ជូលជាគូស្នេហ៍គំរូ ដោយស្វាមីភរិយាមួយគូនេះរមែងតែងបង្ហាញភាពចាស់ទុំជានិច្ចទៅកាន់មហាជន។
ជាការពិតណាស់ ស្របពេលអ្នកនាង សុគន្ធ និសា ជាបុគ្គលស្រគត់ស្រគំ រីឯស្វាមីក៏ចាស់ទុំផងនោះ គូស្វាមីភរិយាមួយគូនេះ មិនសូវបង្ហាញពីជីវិតឯកជនលើបណ្តាញសង្គមប៉ុន្មាននោះឡើយ។ ជាក់ស្តែង ម្តងម្កាលប៉ុណ្ណោះ ដែលអ្នកគាំទ្រឃើញអ្នកនាង សុគន្ធ និសា បង្ហោះពីរូបភាពផ្អែមល្ហែមជាមួយគ្នាម្តង។
យ៉ាងណាមិញ កាលពីថ្ងៃមង្គលការរបស់លោក ជី ដេវីត និង អ្នកនាង ទេព បូព្រឹក្ស តារាចម្រៀង សុគន្ធ និសា បានធ្វើឱ្យអ្នកគាំទ្រ ក៏ដូចជាមិត្តក្នុងសិល្បៈជាច្រើនមានការភ្ញាក់ផ្អើល និង លួចញញឹម ដោយអ្នកនាងបានថើបស្វាមីនៅមុខភ្ញៀវកិត្តិយសដែលចូលរួមមង្គលការជាច្រើន។
ក្នុងនោះដែរ អ្នកនាង សុគន្ធ និសា និង ស្វាមី បានថើបគ្នានៅមុខមនុស្សរាប់ពាន់នាក់ ក៏ព្រោះតែពិធីករបានលេង Challenge ថើប ហើយគូស្វាមីភរិយាមួយគូនេះ ក៏ត្រូវបានកាមេរ៉ាចាប់ប្លង់ចំ និង តម្រូវឱ្យចូលរួមលេង។ ភ្លាមនោះ សូម្បីតែពិធីករក៏និយាយពីលើឆាកមកដែរថា អ្នកនាង សុគន្ធ និសា សុភាពស្រគត់ស្រគំមិនជឿថាអ្នកនាងហ៊ានលេង Challenge នេះទេ៕
សូមចុចទីនេះ ដើម្បីទស្សនាវីដេអូ៖
