បើគិតមកដល់ពេលនេះរយៈពេលប្រមាណជាង ១ ឆ្នាំ មកហើយ ដែលអតីតសមាជិកក្រុម D-Man លោក សុខ សម្បត្តិ បានប្រកាសចាកចេញពីក្រុមមកធ្វើជាសិល្បករទោល។ ក្នុងនោះ ការចាកចេញពីក្រុមនេះដែរ លោក សុខ សម្បត្តិ បានបន្តដំណើរជាសិល្បករទោល និង ផ្តោតសំខាន់បន្ថែមក្នុងដំណើរក្នុងនាមជា Solo Artist។
ជាការពិតណាស់ ក្រោយពីបានក្លាយទៅជាសិល្បករទោលហើយនោះ អ្នកគាំទ្របានសង្កេតឃើញលោក សុខ សម្បតិ្ត កាន់តែបញ្ចេញស្នាដៃក្នុងការផលិតចម្រៀងជាបន្តបន្ទាប់ ដោយទេពកោសល្យដ៏ពិសេសរបស់លោកនោះ គឺការផលិតតន្ត្រី ដែលបានដាក់បញ្ជូលសំឡេងផ្សេងៗគ្នាច្រើន។ លើសពីនោះ លោកបានបង្ហាញការនិពន្ធ និង សំឡេងដ៏ពីរោះក្នុងចម្រៀងនោះកាន់តែទាក់ទាញ។
ថ្មីៗនេះលោក សុខ សម្បត្តិ បានបង្ហាញនូវសកម្មភាពនៃការផលិតចម្រៀងថ្មីមួយបទទៀតរបស់លោក បន្ទាប់ពីប្រទេសកម្ពុជាបានជួបប្រទះនូវការឈ្លានពានពីថៃកាលពីពេលកន្លងមក។ ក្នុងនោះ លោក សម្បត្តិ បានលើកយកពីការឈឺចាប់ មកច្នៃជាកម្លាំងចិត្ត ដោយដាក់បញ្ជូលនូវការរៀបរាប់ពីទិដ្ឋភាពពិតនៅតាមព្រំដែន និង សម្តីរបស់ជនភៀសសឹកនៅព្រះវិហារទៀតផង។
ជាការពិត បើទោះជាចម្រៀងខាងលើមិនទាន់បានចេញជាផ្លូវការក្តី តែវីដេអូនៃការបង្ហាញពីការផលិតរបស់លោក សម្បត្តិ បានធ្វើឱ្យអ្នកទស្សនាអួលដើមក ខណៈក្នុងនាមជាកូនខ្មែរ ដែលបានឃើញរូបភាពនៃការជម្លៀសខ្លួន និង ការប្រឹងប្រែងរបស់កងទ័ពកម្ពុជា៕
សូមចុចទីនេះ ដើម្បីទស្សនាវីដេអូ៖
