ថ្មីៗនេះ មហាជនអ្នកគាំទ្រវិស័យបវរកញ្ញាបានផ្ទុះកាតចាប់អារម្មណ៍ខ្លាំង ខណៈស្ងាត់ៗបានឃើញបវរកញ្ញា ២ រូប គឺកញ្ញា ពេជ្រ វត្តីសារ៉ាវឌ្ឍី និង កញ្ញា ហុក សារិតុលា ធ្វើដំណើរទៅកាន់ប្រទេសទីម័រខាងកើត ព្រមទាំងបង្ហាញរូបភាពជាមួយនឹង ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រខាងកើតទៀតផង។
ក្នុងនោះ ពេជ្រ វត្តីសារ៉ាវឌ្ឍី ក៏បានបង្ហោះរូបភាពភ្ជាប់ជាមួយសាររៀបរាប់ថា ៖ «ពិតជារំភើបរីករាយជាខ្លាំង ដែលទទួលបានការស្វាគមន៍យ៉ាងកក់ក្ដៅពីឯកឧត្ដម Hermenegildo Lopes ឯកអគ្គរដ្ឋទូតនៃសាធារណរដ្ឋប្រជាធិបតេយ្យទីម័រខាងកើត និង ជាព្រឹទ្ធបុរសនៃអង្គភាពការទូតប្រចាំព្រះរាជាណាចក្រកម្ពុជា»។
បើតាមរយៈការបង្ហោះវីដេអូនៃសកម្មភាពផ្សេងៗលើទឹកដីទីម័រនេះដែរ ពេជ្រ វត្តីសារ៉ាវឌ្ឍី និង ហុក សារិតុលា ក៏បានប្រាប់ឱ្យដឹងថា អ្នកទាំងពីរគឺទៅដើម្បីតំណាងកម្ពុជាចូលរួមក្នុងកម្មវិធីធំមួយ គ្រាន់តែពុំទាន់បញ្ជាក់ពីកម្មវិធីច្បាស់នៅឡើយ។ លើសពីនេះ នៅថ្ងៃទី ៨ ខែឧសភា ឆ្នាំ ២០២៥ នេះ អ្នកទាំងពីរនឹងត្រៀមខ្លួនចូលរួមក្នុងកម្មពិធី «Party Even President Timor-Leste & Cambodia» ដោយកញ្ញា ហុក សារិតុលា នឹងឡើងសម្ដែងចម្រៀងក្នុងកម្មវិធីនេះទៀតផង ៕
