កន្លងមកមហាជននិយមតាមដានជីវិត ទាំងសិល្បៈ និង ឯកជនរបស់តារាស្រីឆ្នើម អ្នកនាង ស្វែង សុជាតា ច្បាស់ជាបានជ្រាបហើយ ថាអ្នកនាង ត្រូវបានចាត់ទុកថា ជាសិល្បការិនីមួយរូប ទទួលបានកេរ្តិ៍ឈ្មោះបោះសំឡេងទាំងលើឆាកជាតិ និង អន្តរជាតិ ក៏ព្រោះតែទេពកោសល្យនៃការសម្តែងរបស់អ្នកនាង។ យ៉ាងណាមិញ បើក្រឡេកទៅជីវិតឯកជនពាក់ព័ន្ធនឹងបេះដូងវិញ អ្នកនាង ក៏ត្រូវបានចាត់ទុកថា ជានារីអភ័ព្វស្នេហ៍មួយរូប ដែលធ្លាប់ជួបរឿងបែកបាក់គ្រួសារ មានឈ្មោះជាស្ត្រីមេម៉ាយ។
យ៉ាងណាមិញ ក្រោយស្ពាយឈ្មោះជាស្ត្រីមេម៉ាយអស់រយៈពេលច្រើនឆ្នាំនោះ ថ្មីៗនេះ អ្នកគាំទ្រ និង មិត្តទាំងក្នុង ក្រៅសិល្បៈជាច្រើនមានការភ្ញាក់ផ្អើលយ៉ាងខ្លាំង ខណៈអ្នកនាង ស្វែង សុជាតា បានបង្ហោះរូបភាពច្រើនសន្លឹកនឹងបុរសសង្ហាម្នាក់លើ Tik Tok និង បានបញ្ជាក់ថា អ្នកនាង និង បុរសរូបនោះរៀបការឆាប់ៗ។
ក្នុងនោះ ក្រោយទទួលបានដំណឹងនេះហើយ មហាជនអ្នកគាំទ្រ និង មិត្តទាំងក្នុង ក្រៅសិល្បៈក៏បានចូលរួមអបអរសាទរដល់អ្នកនាង ស្វែង សុជាតា និង អនាគតស្វាមីឱ្យមានសុភមង្គលផងដែរ៕
សូមចុចទីនេះ ដើម្បីទស្សនាវីដេអូ៖
