និយាយពីសកម្មភាពសប្បុរសធម៌របស់តារាសម្ដែងប្រុសស្រី កញ្ញា ស៊ីន យូប៊ីន និង លោក ខាត់ វៃហាំង ខណៈប្រទេសជាតិរងការឈ្លានពានកន្លងមក អ្នកទាំងពីរក៏ត្រូវបានគេដឹងថា បានចំណាយទាំងកម្លាំងស្មារតី និង ថវិកាផ្ទាល់ខ្លួន ចូលរួមចំណែកជួយជាជំនួយដល់ជនរងគ្រោះ ដែលបានរៀបចំស្បៀងអាហារ សម្ភារៈផ្សេងៗជួយបងប្អូនភៀសសឹក និង កងទ័ពជួមុខបន្តបន្ទាប់។
ចំពោះតារាស្រី ស៊ីន យូប៊ីន ដ្បិតតែមានការវែកញែកខ្លះនៅលើបណ្ដាញសង្គម ពាក់ព័ន្ធនឹងភាពស្ងប់ស្ងាត់របស់នាងលើហ្វេសប៊ុក និង យឺតយ៉ាវក្នុងជួយផ្សព្វផ្សាយតតាំងប្រឆាំងនឹងការឈ្លានពានរបស់ថៃមែន តែនាងក៏ត្រូវបានគេឃើញថាចូលរួមចំណែកជួយសង្គមជាមួយលោក ខាត់ វៃហាំង ដោយចុះទៅតាមបណ្ដាខេត្តផ្ទាល់ៗ ដើម្បីជួយបងប្អូនជនភៀសសឹកតាំងពីថ្ងៃដំបូងផងដែរ។
យ៉ាងណាមិញ ក្រោយស្ថានភាពប្រទេសជាតិប្រសើរវិញបន្តិច ថ្មីៗនេះ កញ្ញា ស៊ីន យូប៊ីន និង លោក ខាត់ វៃហាំង ក៏បានចូលរួមធ្វើកិច្ចសម្ភាសមួយរៀបរាប់ពីដំណើរនៃការចុះជួបផ្ទាល់ជនភៀសសឹក និង កម្លាំងជួរមុខ រយៈពេលជាង ២ សប្ដាហ៍កន្លងទៅនេះ។
ក្នុងនោះ កញ្ញា ស៊ីន យូប៊ីន និង លោក ខាត់ វៃហាំង ក៏បានរៀបរាប់ឱ្យដឹងថាក្នុងថ្ងៃដំបូងៗដែលកម្ពុជារងការឈ្លានពាន និង មានការភៀសសឹករបស់បងប្អូនគ្រួសារជាប់ព្រំដែន អ្នកទាំងពីរបានគិតពីបញ្ហាចំពោះមុខជាមុន និង ចំណាយថវិកាផ្ទាល់ខ្លួន រៀបចំនូវស្បៀង សម្ភារៈផ្សេងៗដើម្បីចុះទៅជួយជនរងគ្រោះបន្ទាន់ភ្លាមៗ ដោយពុំទាន់មានពេលស្នើសុំជំនួយពីស្ថាប័ន ឬបងប្អូនមហាជនតាមរយៈបណ្ដាញសង្គមឡើយ៕
សូមចុចទីនេះដើម្បីទស្សនាវីដេអូ៖
