កាលពីថ្ងៃទី ១០ ខែវិច្ឆិកា ឆ្នាំ ២០២៤ កន្លងទៅនេះ មហាជនអ្នកគាំទ្ររបស់តារាប្រុសរូបសង្ហា លោក ហេង នរៈកក្កដា មានការចាប់អារម្មណ៍ភ្ញាក់ផ្អើលខ្លាំង បន្ទាប់ពីឃើញលោកបានបង្ហោះរូបភាពដូចជា Pre-Wedding ជាច្រើនសន្លឹកជាមួយនឹងនារីស្រស់សោភាម្នាក់។
ដោយឡែក ក្រោយពីបានបង្ហាញរូបភាព Pre-Wedding មួយថ្ងៃ មកដល់ព្រឹកថ្ងៃទី ១១ ខែវិច្ឆិកា ឆ្នាំ ២០២៤ នេះ លោក ហេង នរៈកក្កដា ក៏បានដឹកដៃគូស្នេហ៍ដ៏ស្រស់ស្អាតរូបនោះ ចូលរោងជ័យរៀបចំកម្មវិធីភ្ជាប់ពាក្យហើយ ដោយបានបញ្ចប់ងារជាសង្សារក្លាយជាគូដណ្តឹង។
ក្នុងថ្ងៃមង្គលនេះ ក៏បានឃើញមានវត្តមានរបស់មិត្តអ្នកសិល្បៈជាច្រើនរូប បានចូលរួមអបអរដោយផ្ទាល់ និង ទទួលបានការជូនពរពីមហាជនអ្នកគាំទ្រលើបណ្ដាញសង្គមជាច្រើនផងដែរ។
ជាមួយគ្នានោះ អ្វីកាន់តែចាប់អារម្មណ៍ ក្នុងកម្មពិធីពិសេសរបស់ លោក ហេង នរៈកក្កដា និង គូដណ្ដឹង នេះ ក្រៅពីការអបអរដោយក្ដីរំភើប មហាជនអ្នកគាំទ្រក៏ហាក់រំជួលចិត្តតាមតារាប្រុសរូបនេះ ខណៈបានឃើញសកម្មភាពដែលលោកក្រាបផ្ទឹមនឹងគូដណ្ដឹងទាំងទឹកភ្នែករលីងរលោង ដោយចិត្តនឹករឭកដល់វត្តមានរបស់ឪពុកម្ដាយរបស់លោក។
ក្នុងនោះ លោក ហេង នរៈកក្កដា បានរៀបរាប់ថា ៖ «បើពេលនេះមានប៉ាមានម៉ាក់ បានមើលឃើញកូនជោគជ័យដូចពេលនេះ មិនដឹងជាកូនរីករាយបែបណានោះទេ»៕
សូមទស្សនាវីដេអូខាងក្រោម៖
