រយៈពេល ២ ថ្ងៃហើយដែលពិធីការិនី ហ៊ិន ច័ន្ទនីរ័ត្ន និង ស្វាមី បានឃើញមុខកូនប្រុសដំបូងរបស់អ្នកទាំងពីរ ដោយអូនតូចបានសម្រាលឃើញពន្លឺព្រះអាទិត្យនៅថ្ងៃទី ៨ ខែកក្កដា ឆ្នាំ ២០២៥ កន្លងទៅ ក្រោមការអបអរស្វាគមន៍យ៉ាងកក់ក្ដៅពីបងប្អូន មិត្តភក្តិ អ្នកសិល្បៈ និង មហាជនអ្នកគាំទ្រលើបណ្ដាញសង្គម។
ចំពោះកូនប្រុសដំបូងរបស់ពិធីការិនីរូបនេះ សម្រាលមកប្រកបដោយសុវត្ថិភាព និង សុខភាពល្អ ដែលមើលទៅមុខមាត់ឡើងក្រឡង់ៗ សាច់ឈាមទ្រលុកទ្រលន់គួរឱ្យក្នាញ់ខ្លាំង កាត់ដូចទាំងម៉ាក់ទាំងប៉ា និង មានឈ្មោះយ៉ាងពីរោះថា ឌី ពេជ្ររ័ត្នបញ្ញាបុត្រ។
បើក្រឡេកទៅមើលប៉ាប៉ា ឌី ពេជ្រ ស្វាមីរបស់ពិធីការិនីរូបនេះវិញ អ្វីដែលគួរឱ្យសរសើរ ក្រោយទទួលបានកូនប្រុសដំបូងគួរឱ្យក្នាញ់នេះដែរ ឃើញសកម្មភាពរបស់លោកបានបំពេញតួនាទីជាប៉ាប៉ា និង ស្វាមីដ៏ល្អគួរឱ្យស្រឡាញ់ខ្លាំង ដែលមើលថែភរិយា និង បីថ្នាក់ថ្នមកូនប្រុសដោយផ្ទាល់ដៃយ៉ាងកក់ក្ដៅបំផុត៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
