បើគិតចាប់តាំងពីការចាកចេញពីផលតិកម្មថោន មកដល់ពេលនេះរយៈពេលប្រមាណជាង ៥ ឆ្នាំ មកហើយ ដែលតារាចម្រៀង ឈិត សុវបញ្ញា បានបោះបង់ចោលអាជីពសិល្បៈទាំងស្រុង ដោយសំងំរស់នៅយ៉ាងសាមញ្ញ ចាយជីវិតយ៉ាងរីករាយ។ ក្នុងនោះ បើទោះជាមិនបានបង្ហាញខ្លួនលើឆាកតន្ត្រីដូចមុនក៏ពិតមែន ប៉ុន្តែកញ្ញា ឈិត សុវណ្ណបញ្ញា ក៏មិនដែលខកខានចូលរួមកម្មវិធីរបស់អ្នកសិល្បៈនោះដែរ ដោយអតីតតារាចម្រៀងស្រីរូបនេះ តែងតែជួបជុំមិត្តសិល្បៈផងដែរ។
ដោយឡែក ថ្មីៗនេះ កញ្ញា ឈិត សុវណ្ណបញ្ញា បានធ្វើឱ្យអ្នកគាំទ្រភ្ញាក់ផ្អើល និង រំភើបចិត្តយ៉ាងខ្លាំង ដោយតារាចម្រៀងស្រីរូបនេះ បានវិលមកកាន់វិថីសិល្បៈជាថ្មីម្តងទៀតហើយ ដោយកញ្ញាបានចាប់ផ្តើមបង្ហាញវត្តមានលើឆាកប្រគំតន្ត្រីមួយចំនួនតាមបណ្តាទូរទស្សន៍នានាផងដែរ។ ក្នុងនោះ ការវិលត្រឡប់មកវិញនេះ តារាចម្រៀងស្រីសំឡេងស្រទន់រូបនេះ នៅតែទទួលបានការគាំទ្រដូចដើម ពោលគឺ កញ្ញា ឈិត សុវណ្ណបញ្ញា មិនបាត់បង់អ្នកគាំទ្រមុនៗ ថែមទាំងទទួលបានអ្នកគាំទ្រថ្មីៗទៀតផង។
យ៉ាងណាមិញ ការវិលត្រឡប់មកកាន់ម៉ៃក្រូហ្វូនលើកនេះរបស់តារាចម្រៀង ឈិត សុវណ្ណបញ្ញា គឺនឹងមិនទម្លាក់ដៃដូចមុនទៀតឡើយ ដោយលើកនេះ កញ្ញា ឈិត សុវណ្ណបញ្ញា បានឱ្យដំរួយនៃការបោះជំហានពេញទីម្តងទៀត ក្រោយពីនាងបានបញ្ចេញចម្រៀងថ្មីរបស់ខ្លួននៅថ្ងៃទី ០៤ ខែកញ្ញា ឆ្នាំ ២០២៥ នេះ។ ម្យ៉ាងវិញទៀតនោះ បទថ្មីដែលទើបនឹងចេញរបស់កញ្ញា ឈិត សុវណ្ណបញ្ញា ដែលមានចំណងជើងថា «សតិអារម្មណ៍» បានធ្វើឱ្យអ្នកគាំទ្រលើកឡើងថា តារាចម្រៀងស្រីរៀមច្បងរូបនេះ កំពុងឱ្យដំរួយលុកលុយក្នុងទីផ្សារឱ្យកក្រើកជាថ្មី ខណៈមិត្តរួមជំនាន់ជាច្រើនបាន និង កំពុងឈរជើងលើវិថីសិល្បៈយ៉ាងរឹងមាំ៕
សូមចុចទីនេះ ដើម្បីទស្សនាវីដេអូ៖
