ក្រោយពីបទឈប់បាញ់ដោយគ្មានលក្ខខណ្ឌរវាងកម្ពុជា-ថៃ បានចូលជាធរមានកាលពីយប់ថ្ងៃទី ២៨ ខែកក្កដា ឆ្នាំ ២០២៤ វេលម៉ោង ២៤:០០ ហើយនោះ ប្រជាជនកម្ពុជា បាន និង កំពុងបង្ហាញពីការគោរពដឹងគុណចំពោះវីរភាពដ៏អង់អាចក្នុងបុព្វហេតុការពារទឹកដី ដែលបងៗកងកម្លាំងជួរមុខបានលះបង់ដើម្បីការពារជាតិ និង អាយុជីវិតប្រជាពលរដ្ឋនៅសមរភូមិក្រោយ។
យ៉ាងណាមិញ រឿងមួយដែលកំពុងត្រូវបានអ្នកលេងបណ្តាញសង្គមហ្វេសប៊ុកកំពុងផ្ទុះការចែករំលែក និង សរសើរយ៉ាងខ្លាំងដែរនោះ គឺខណៈពេលដែលប្រទេសកម្ពុជាត្រូវបានឈ្លានពានពីប្រទេសថៃ បើងាកទៅមើលនៅសមរភូមិមុខភ្នំខ្មោច ក៏មានការតាំងយ៉ាងស្វិតស្វាញរបស់វីរកងទ័ពកម្ពុជាការពារទឹកដីពីការឈ្លានពានថៃដែរ ហើយអ្វីដែលជាការចាប់អារម្មណ៍មួយក៏មានវត្តមានសុនកដ៏អស្ចារ្យមួយក្បាល ដែលជាផ្នែកនៃសមរភូមិជួរមុខតែងបានជួយឱ្យដំរួយដល់កងទ័ពកម្ពុជាឱ្យដឹងពីសត្រូវផងដែរ។
បើតារមយៈវីដេអូមួយ បង្ហាញឱ្យឃើញពីកងទ័ពជួរមុខម្នាក់បានប្រាប់ថា សុនកសម្បុរខ្មៅមួយក្បាលនេះ គឺជាអ្នកក្លាហាន អ្នកស៊ើបការដែលរួមដំណើរជាមួយកងទ័ពកម្ពុជា ដោយវាបានផ្ដល់ដំណឹងឱ្យកងទ័ពយើងរហូតធ្វើឱ្យកងទ័ពយើងមានការប្រុងប្រយ័ត្ន មិនថាយប់ ឬ ថ្ងៃ។ លោកបានបន្តថា រាល់ពេលដែលសត្រូវបម្រុងចូលឈ្លានពាន គឺសុនកមួយក្បាលនេះហើយដែលបានផ្ដល់ដំណឹងជាការព្រូសឱ្យកងទ័ពដើម្បីប្រុងប្រយ័ត្នខ្លួន៕
