ក្រោយឆ្លងកាត់ការធ្វើតេស្តសមត្ថភាព និង ជ្រើសរើសបេក្ខជន កម្មវិធី «កម្លាំងគោជល់» ដែលជាការប្រកួតប្រជែងកម្លាំងដំបូងគេ និង មានតែមួយគត់នៅកម្ពុជា បានបង្ហាញបេក្ខភាពផ្លូវការដំបូងចំនួន ១៥ នាក់ ដែលម្នាក់ៗសុទ្ធតែជើងខ្លាំង និង មកពីបណ្តាខេត្តផ្សេងៗគ្នា។
ជាក់ស្តែង បេក្ខភាពដែលត្រូវបានជ្រើសរើស ពួកគេពោរពេញទៅដោយសមត្ថភាព ភាពស្វាហាប់ រហ័សរហួន មានការតាំងចិត្តខ្ពស់ និង បានត្រៀមខ្លួនរួចរាល់សម្រាប់ការប្រកួត។ ចំណោមបេក្ខភាព ១៥ នាក់ដំបូង កម្មវិធីជ្រើសរើសបានទាំងបេក្ខជន និង បេក្ខនារី ព្រមទាំងមានអាជីពផ្សេងៗគ្នា ដែលពួកគេនឹងឡើងមកពីតាមបណ្តាខេត្ត-ក្រុង ដើម្បីប្រកួតប្រជែងដណ្តើមពានរង្វាន់ជាម្ចាស់ជើងឯក «កម្លាំងគោជល់» ជាមួយនឹងរង្វាន់ទឹកប្រាក់ ១០០ ០០០ ០០០ រៀល។
លក្ខណៈសម្បតិ្តរបស់បេក្ខភាពទាំង ១៥ នាក់ដំបូងនេះ មានដូចជា៖
១. បេក្ខជន ហាន់ សុម៉ែន អាយុ ២២ ឆ្នាំ មកពីខេត្តបាត់ដំបង ជានិស្សិតឆ្នាំទី ៣ ផ្នែកគណនី។
២. បេក្ខជន នន់ សុខចំរើន អាយុ ២០ ឆ្នាំ មកពីរាជធានីភ្នំពេញ ជានិស្សិត។
៣. បេក្ខជន សឿន សុភ័ក្ត្រ អាយុ ២១ ឆ្នាំ មកពីខេត្តបាត់ដំបង ជាអាជីវករ។
៤. បេក្ខនារី ប៊ន សិកា មកពីខេត្តកំពង់ធំ ជានិស្សិតពេទ្យ។
៥. បេក្ខជន សុទ្ធ តារា អាយុ ២២ ឆ្នាំ មកពីខេត្តត្បូងឃ្មុំ ជានិស្សិតឆ្នាំទី ៤។
៦. បេក្ខនារី លីម ស៊ីលាប អាយុ ២៤ ឆ្នាំ មកពីខេត្តកំពង់ចាម ជាអ្នកលក់ភេសជ្ជៈ។
៧. បេក្ខជន នឿន ផានិត មកពីខេត្តកំពង់ចាម ជាកសិករ។
៨. បេក្ខជន ម៉ៅ មឿន អាយុ ២៤ ឆ្នាំ មកពីរាជធានីភ្នំពេញ ជាសន្តិសុខ។
៩. បេក្ខជន ជិន សុធា អាយុ ៣០ ឆ្នាំ មកពីខេត្តកំពង់ធំ ជាជាងស្មិត។
១០. បេក្ខជន ជា សំណាង មកពីខេត្តក្រចេះ ជាចុងភៅ។
១១. បេក្ខជន ពុទ្ធ វាសនា មកពីរាជធានីភ្នំពេញ ជាជាងកាត់សក់ និង ជាងសាក់។
១២. បេក្ខនារី ឃុន សុជាតា អាយុ ១៩ ឆ្នាំ មកពីរាជធានីភ្នំពេញ ជាបុគ្គលិកផ្នែកចាក់សាំង។
១៣. បេក្ខជន មាស បញ្ញា មកពីរាជធានីភ្នំពេញ ជាបុគ្គលិកក្រុមហ៊ុន។
១៤. បេក្ខជន ឈួន ពន្លឺ មកពីរាជធានីភ្នំពេញ ជាសិល្បករ។
១៥. បេក្ខជន ស្បោង ធី មកពីរាជធានីភ្នំពេញ ជាបុគ្គលិកផ្នែកដឹកជញ្ជូន។
នៅមិនទាន់អស់នោះទេ ក្រៅពីបេក្ខភាពខាងលើ កម្មវិធី «កម្លាំងគោជល់» នឹងបង្ហាញបេក្ខភាពផ្លូវការបន្តបន្ទាប់ទៀតនៅពេលឆាប់ៗខាងមុខនេះ។ ដូច្នេះចង់ដឹងថា បេក្ខភាពបន្ទាប់ជានរណា មកពីបណ្តាខេត្តក្រុងណា និង មានលក្ខណៈសម្បត្តិអ្វីខ្លះ? សូមកុំភ្លេចតាមដានទាំងអស់គ្នានៅលើទំព័រហ្វេសប៊ុកផ្លូវការ Red Bull Cambodia ណា៎!!!។
គួរឱ្យដឹងដែរថា កម្មវិធី «កម្លាំងគោជល់» នឹងមានផ្សាយជូនទស្សនាក្នុងពេលឆាប់ៗនេះ នៅលើកញ្ចក់ទូរទស្សន៍ CTN៕
