ពិតណាស់ ក្រៅពីជីវិតលើសិល្បៈ តារាស្រី សាន្ត កុសុម៉ា បានធ្វើឱ្យមហាជនអ្នកគាំទ្រកាន់តែចាប់អារម្មណ៍សរសើរលើសមត្ថភាពរបស់នាង ខណៈនាងបានបង្ហាញពីការសម្រេចក្ដីស្រមៃរបស់ខ្លួនតាំងពីក្មេង មុនចូលវិស័យសិល្បៈ គឺមានក្ដីស្រមៃចង់ក្លាយជាគ្រូបង្រៀន ដែលពេលនេះ នាងក៏បានចូលប្រឡងគ្រូ និង ទទួលបានជោគជ័យជាប់ជាគ្រូបង្រៀនផ្អែកលើកិច្ចព្រមព្រៀងការងារមួយរូប។
បន្ទាប់ពីប្រឡងជាប់ជាគ្រូបង្រៀនកិច្ចព្រមព្រៀងមួយរូប មួយរយៈថ្មីនេះ សាន្ត កុសុមៈ ក៏បានចាប់ផ្ដើមដើរតាមក្ដីស្រមៃរបស់ខ្លួន ដែលធីបសិល្បៈចោលមួយឡែកសិន និង បង្ហាញសកម្មភាពចុះទៅបង្រៀងសិស្សផ្ទាល់ៗយ៉ាងសកម្ម នៅឯសាលាបឋមសិក្សារ បាក់រនាស់ នៅឯឃុំលំពង់ ស្រុកបាទី ខេត្តតាកែវ។
ស្របពេលកំពុងចុះបង្រៀននៅខេត្តយ៉ាងសកម្មនេះដែរ សាន្ត កុសុមៈ បាននិយាយក្នុងវីដេអូមួយបង្ហាញពីអារម្មណ៍ពិត ថាខ្លួនមានសំណាងដែលអាចមានឱកាសធ្វើតាមក្ដីស្រមៃរបស់ខ្លួន ធ្វើជាគ្រូបង្រៀនតាមខេត្តមួយរូប ទោះបីជាពេលនេះ នាងមានការលំបាកខ្លះ ត្រូវឡើងចុះពីភ្នំពេញទៅខេត្តតាកែវជារៀងរាល់ថ្ងៃ ព្រោះមិនទាន់រកកន្លែងស្នាក់នៅបានមែន ប៉ុន្តែនាងក៏មិនមានអារម្មណ៍ហត់នឿយ ឬចង់បោះបង់ឡើយ គឺនៅតែសប្បាយចិត្ត និង មានក្ដីសុខក្នុងអាជីពនេះផងដែរ៕
សូមចុចទីនេះដើម្បីទស្សនាវីដេអូ៖
