គិតមកដល់ពេលនេះ រយៈពេលជិត ២ សប្ដាហ៍ហើយ ដែលកម្មវិធីប្រកួតសម្រស់អន្តរជាតិ Miss Planet International លើកទី ៤ បានរកឃើញម្ចាស់មកុដប្រចាំឆ្នាំ ២០២៤ គឺបានទៅលើបវរកញ្ញាមកពីប្រទេសអារ៉ាប់រ៉ួម និង ម្ចាស់មកុដមួយរូបទៀត Angel Miss Planet International 2024 គឺបានទៅបវរកញ្ញាមកពីប្រទេសឥណ្ឌូនេស៊ី កញ្ញា Olla Levina។
ចំពោះម្ចាស់ជ័យលាភីគ្រងមកុដនៃកម្មវិធីប្រកួតសម្រស់អន្តរជាតិ Miss Planet International លើកទី ៤ នេះដែរ ត្រូវបានមហាជនអ្នកគាំទ្រវិស័យបវរកញ្ញាទូទាំងពិភពលោកស្រឡាញ់ពេញចិត្តខ្លាំងនៃភាពស័ក្តិសមជាម្ចាស់មកុដរបស់អ្នកទាំងពីរ ដែលសុទ្ធសឹងតែជាបវរកញ្ញាពេញដោយសមត្ថភាព ចំណេះដឹង រូបសម្រស់ និង អត្តចរិតល្អគួរឱ្យស្រឡាញ់ខ្លាំង។
យ៉ាងណាមិញ ក្រោយពីក្លាយជាម្ចាស់មកុដនៃកម្មវិធី Miss Planet International លើកទី ៤ នេះដែរ បើក្រឡេកចាប់អារម្មណ៍ពី Angel Miss Planet International 2024 កញ្ញា Olla Levina វិញ ក៏បានឃើញវត្តមានរបស់នាងបន្តនៅបំពេញការងារ និង មានសកម្មភាពផ្សេងៗទៀតនៅលើទឹកដីកម្ពុជាផងដែរ។
ជាក់ស្ដែង នៅថ្ងៃទី ១០ ខែធ្នូ ឆ្នាំ ២០២៤ គេក៏បានឃើញបវរកញ្ញា Olla Levina បង្ហាញវត្តមានចូលរួមកម្មវិធីសម្បុរធម៌ជាមួយម្ចាស់កម្មវិធី MPI ដែលបានចុះទៅជួបសួរសុខទុក្ខកុមារពិការកម្ពុជាដោយផ្ទាល់នៅអង្គការមួយ។ អ្វីដែលធ្វើមហាជនអ្នកគាំទ្រកម្ពុជាកំពុងផ្ទុះការចាប់អារម្មណ៍ និង សរសើរចំពោះម្ចាស់មកុដរូបនេះ ខណៈបានឃើញសកម្មភាពនាងអង្គុយនិយាយទាំងដួលដើមក ស្រក់ទឹកភ្នែកសម្លឹងមើលទៅកុមារពិការកម្ពុជា ដែលបង្ហាញក្ដីអាណិតស្រឡាញ់ និង ទឹកចិត្តដ៏ប្រពៃចំពោះកុមារកម្ពុជាផងដែរ។ សូមចុចទីនេះដើម្បីទស្សនាវីដេអូ៖
