និយាយពីបេក្ខភាពបវរកញ្ញា Miss Supranational Cambodia 2025 កញ្ញា អេនណា រ៉ូស ជាបេក្ខភាពមួយរូបតែងទទួលបានការចាប់អារម្មណ៍ពីមហាជនចំពោះការតាំងចិត្តតស៊ូរបស់នាងក្នុងការប្រកួត Miss Supranational Cambodia នេះ ដែលពីមួយវគ្គទៅមួយវគ្គ នាងកាន់តែបង្ហាញភាពជឿជាក់មោះមុតខ្លាំង ទាំងការដើរបង្ហាញសមត្ថភាព និង ឡើងនិយាយពីឆន្ទៈរបស់ខ្លួន។
លើសពីនេះ អ្វីដែលធ្វើឱ្យអ្នកគាំទ្រជាច្រើនសរសើរពេញពីចិត្ត ចំពោះបេក្ខភាពរូបនេះទៀត ក្រោយពីនាងធ្លាប់បានបង្ហាញឆន្ទៈរបស់ខ្លួន ដែលចូលរួមប្រកួតកម្មវិធីនេះ គឺដើម្បីលុបបំបាត់រាល់ពាក្យ Bully និង បង្ហាញពីភាពរឹងមាំរបស់នាងក្នុងនាមជាស្រ្តីម្នាក់ដែលអាចធ្វើអ្វីដែលនាងចង់ធ្វើទៀតផង។
ដោយឡែក ស្របពេលកំពុងស្ថិតក្នុងកងប្រកួតយ៉ាងស្វាហាប់ក្នុងកម្មវិធីប្រកួតសម្រស់នេះដែរ ក្រៅពីធ្វើឱ្យមហាជនចាប់អារម្មណ៍លើការតស៊ូប្រកួតរបស់នាង ថ្មីៗនេះ អេនណា រ៉ូស ក៏កំពុងឆក់ចាប់អារម្មណ៍ទាក់ទងនឹងវីដេអូខ្លីៗនៃសកម្មភាពស្និទ្ធស្នាលជាមួយបេក្ខភាពបុរសឯក លោក ចាន់ គឹមសិទ្ធ Mister Supranational Cambodia 2025 នេះដែរ។
ក្នុងនោះ តាមរយៈវីដេអូខ្លីៗជាច្រើនបង្ហោះដោយកញ្ញា អេនណា រ៉ូស បានបង្ហាញពីភាពស្និទ្ធស្នាលរវាងនាង និង លោក ចាន់ គឹមសិទ្ធ ទាំងកាយវិការ និង ពាក្យសម្ដីផ្អែមល្ហែមជាមួយគ្នា ធ្វើឱ្យមហាជនអ្នកគាំទ្រលើបណ្ដាញសង្គមជាច្រើនបង្ហាញការអបអរជំនួស ដោយគិតថាអ្នកទាំងពីរកំពុងមានទំនាក់ទំនងពិសេសនឹងគ្នា៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
