កាលពីរាត្រីថ្ងៃទី ២១ ខែកុម្ភៈ ឆ្នាំ ២០២៥ កន្លងទៅនេះ ម៉ាកដ៏ប្រណីតរបស់អ៊ីតាលី BVLGARI បានជ្រើសរើសទីតាំងរៀបចំកម្មវិធីរាត្រីសមោសរ BVLGARI AETERNA នៅឯប្រាសាទបាយ័ន ទឹកដីខេត្តសៀមរាប ប្រទេសកម្ពុជា។
កម្មវិធីនេះបានរៀបចំឡើងជាលក្ខណៈឯកជន និង ផ្តាច់មុខបំផុត ដោយមានការចូលរួមពីសំណាក់ភ្ញៀវលំដាប់ៗទាំងជាតិ និង អន្តរជាតិ មកពីជុំវិញពិភពលោក ដោយក្នុងនោះ ក៏មានវត្តមានដ៏ខ្ពង់ខ្ពស់របស់លោកជំទាវបណ្ឌិត ពេជ ចន្ទមុនី ហ៊ុន ម៉ាណែត និង អ្នកឧកញ៉ា ម៉ៅ ចំណាន ក៏បានចូលរួមផងដែរ។
ជាក់ស្តែង ក្រឡេកទៅមើលតារាល្បីៗក្រៅប្រទេសនោះ គេបានឃើញមានវត្តមានពីតារាសម្តែងល្បីៗថៃ កញ្ញា Mai Davika, លោក Mile Phakphum, តារាសម្តែងសិង្ហបុរី Shawn Thia, Ayden Sng តារាចម្រៀងវៀតណាម Ho Ngoc Ha, បវរកញ្ញាហ្វីលីពីន និង ជា Miss Univers ២០១៥ ឈ្មោះ Pia Wurtzbach ព្រមទាំងតារាល្បីៗជាច្រើនទៀត។ អ្វីកាន់តែពិសេស កញ្ញា ស៊ីន យូប៊ីន ក៏ជាតារាកម្ពុជាមួយរូប ដែលជាតួអង្គសំខាន់ក្នុងកម្មវិធីខាងលើនេះដែរ។
ដោយឡែក ក្រៅពីលំដាប់តារាជាតិ និង តារាល្បីៗខាងលើហើយនោះ មហាជនក៏បានឃើញវត្តមានរបស់ Miss Universe Cambodia 2024 អ្នកនាង ប្រាសាទ ដាវីន ក៏ត្រូវបានចូលរួមជាភ្ញៀវកិត្តិយស ដោយមានការអញ្ជើញពីប្រ៊េនល្បីខាងលើនេះដែរ។ ក្នុងនោះ អ្នកនាង ប្រាសាទ ដាវីន បង្ហាញខ្លួនយ៉ាងស្រស់សោភាក្នុងឈុតរាត្រីសមោសរចំនួន ២ ឈុត និង គ្រងនូវគ្រឿងអលង្ការ BVLGARI យ៉ាងចែងចាំងថែមទៀត៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
