ថ្មីៗកន្លងទៅ មហាជនអ្នកគាំទ្រលើបណ្ដាញសង្គម ក៏ដូចជាមិត្តអ្នកសិល្បៈ បានផ្ទុះចាប់អារម្មណ៍ និង អបអរខ្លាំង ក្រោយឃើញតារាសម្ដែងស្រីរៀមច្បង អ្នកនាង ស្វែង សុជាតា បានបើកបង្ហាញចំណងស្នេហ៍ និង ប្រកាសត្រៀមរៀបការ ព្រមទាំងកាន់ដៃគូស្នេហ៍ថ្មីរូបសង្ហា ទៅថតឈុតរៀបការយ៉ាងស្រស់ស្អាតផ្អែមល្ហែមនៅលើទឹកដីអង្គរ ត្រៀមសម្រាប់ថ្ងៃពិសេសទៀតផង។
ជាមួយគ្នានេះ ស្របពេលផ្ទុះការចែករំលែកអបអរពីចំណងស្នេហ៍របស់អ្នកនាង ស្វែង សុជាតា ពាសពេញបណ្ដាញសង្គមហ្វេសប៊ុកហើយនោះ ក្រៅពីបង្ហាញការអបអរដល់គូស្នេហ៍អ្នកទាំងពីរ ក៏ឃើញមានអ្នកគាំទ្រ ក៏ដូចជាអ្នកសិល្បៈមួយចំនួន បានចាប់អារម្មណ៍លើមុខមាត់ដ៏ស្រស់សង្ហារបស់ស្វាមីអ្នកនាង ស្វែង សុជាតា ហាក់ស្រដៀងនឹងលោក ខ្យង ស្វាមីរបស់អ្នកនាង កាតុ ដែលអ្នកខ្លះថាមើលសឹងតែច្រឡំទៀតផង។
ដោយឡែក ក្រោយឃើញមហាជនអ្នកគាំទ្រ ក៏ដូចមិត្តអ្នកសិល្បៈផ្ទុះចាប់អារម្មណ៍រឿងមុខមាត់របស់ស្វាមី ថ្មីៗនេះ ក៏បានឃើញអ្នកនាង ស្វែង សុជាតា និង អ្នកនាង កាតុ បានដឹកដៃស្វាមីរបស់អ្នកទាំងពីរណាត់ជួបជុំគ្នាដោយផ្ទាល់តែម្ដង និង បានឱ្យឈរផ្ទឹមជិតគ្នា ទាំងរូបរាង មុខមាត់ពិតជាមានភាពស្រដៀងគ្នាដូចគេថាមែន៕
សូមចុចទីនេះដើម្បីទស្សនាវីដេអូ៖
