ក្រោយពីចាប់ដៃមើលចិត្តគ្នា និង បើកចំហចំណងស្នេហ៍កំណត់ថ្ងៃមង្គលការហើយនោះ ទីបំផុត ថ្ងៃជា វេលាល្អរបស់អ្នកនាង ស្វែង សុជាតា បានមកដល់ហើយ ដោយពិធីមង្គលការរបស់អ្នកនាង និង ស្វាមីបានរៀបចំថ្ងៃទី ៥ ខែធ្នូ ឆ្នាំ ២០២៥ នេះ។
ក្នុងនោះដែរ ព្រឹកនៃពិធីមង្គលការ ដែលរៀបចំតាមប្រពៃណីខ្មែររបស់អ្នកនាង ស្វែង សុជាតា ក៏មានការចូលរួមពីភ្ញៀវកិត្តិយស និង មិត្តភក្តិ ទាំងក្នុង-ក្រៅសិល្បៈជាច្រើនយ៉ាងធំអធិកអធម។
យ៉ាងណាមិញ នៅក្នុងពិធីមង្គលការ ដែលរៀបចំទៅតាមប្រពៃណីនេះ មហាជនក៏បានចាប់អារម្មណ៍នឹងកម្មវិធីកាត់សក់ ដែលមានអ្នកនាង កាតុ និង នាយ ខ្យង ជាស្វាមី គឺជាអ្នកច្រៀងភ្លេងការកាត់សក់ជូនកូនកំលោះក្រមុំ ដោយមួយរយៈមុនអ្នកគាំទ្រជាច្រើនច្បាស់ជាបានជ្រាបហើយថា ស្វាមីអ្នក កាតុ និង ស្វាមីអ្នកនាង ស្វែង សុជាតា មានមុខមាត់ស្រដៀងគ្នាខ្លាំង។
ក្នុងនោះ មហាជនលើកសរសើរថា អ្នកនាង កាតុ មិនត្រឹមតែមានទេពកោសល្យពហុជំនាញពីតារាកំប្លែងមកជាអ្នកច្រៀងភ្លេងការតែម្នាក់ឯងនោះទេ គឺសូម្បីស្វាមីអ្នកនាង ធ្លាប់តែជាអ្នកលេងតន្ត្រីសម័យ ក៏មកច្រៀងភ្លេងការដូចគ្នាដែរ។ លើសពីនោះ ក៏មានអ្នកបញ្ចេញមតិលេងសើចដែរថា ចេញច្រៀងទាំង ២ នាក់ ប្តីប្រពន្ធចំណូលបានមូលថែមទៀតផង៕
សូមចុចទីនេះ ដើម្បីទស្សនាវីដេអូ៖
