អ្នកគាំទ្រតាមដានវិស័យវរកញ្ញាសុទ្ធសឹងតែបានស្គាល់ពីកញ្ញា មាន រចនាសុវណ្ណា ដែលជាម្ចាស់មកុដ Miss Cosmo World Cambodia 2024 និង ទើបទទួលបានជ័យលាភីលំដាប់រងទី ២ នៃកម្មវិធី Miss Cosmo Cambodia 2025 ដោយកន្លងមក ក្រៅពីវិស័យបវរកញ្ញា នាងក៏ទទួលបានការចាប់អាម្មណ៍លើជីវិតឯកជនទាក់ទងនឹងរឿងស្នេហាផងដែរ។
បើនិយាយពីជីវិតស្នេហារបស់បវរកញ្ញាលំដាប់រងទី ២ MCC 2025 រូបនេះ ត្រូវបានគេដឹងថានាងមានចំណងស្នេហ៍ដ៏ផ្អែមល្ហែមជាមួយនឹងបុរសឯករូបសង្ហា ដែលមានតំណែងជា Mister International Cambodia 2023 និង ជា Man Of The Year Cambodia 2024 គឺលោក ធា សុខតុលា ដោយអ្នកទាំងពីរបានចាប់ដៃគ្នាភ្ជាប់ពាក្យតាមប្រពៃណីក្លាយជាគូដណ្ដឹងកាលពីដើមឆ្នាំ ២០២៥ កន្លងទៅ។
ដោយឡែក មកដល់ថ្មីៗនេះ គូដណ្ដឹងបវរកញ្ញា និង បុរសឯកមួយគូនេះ កាន់តែធ្វើឱ្យមហាជនអ្នកគាំទ្រវិស័យបវរកញ្ញាចាប់អារម្មណ៍ និង រំភើបអបអរជំនួស ខណៈបានឃើញលោក ធា សុខតុលា រៀបចំកម្មវិធី Surprise លុតជង្គង់សុំ រចនាសុវណ្ណា រៀបការ នៅមុខបងប្អូនមិត្តភក្តិយ៉ាងរ៉ូមែនទិក និង រំភើបបំផុត។
ក្រោយបានឃើញវីដេអូសកម្មភាពសុំរៀបការដ៏រំភើបនេះដែរ មហាជនអ្នកគាំទ្ររបស់បវរកញ្ញា និង បុរសឯកមួយគូនេះ កំពុងចែករំលែក និង ចូលរួមបង្ហាញការអបអរសាទរ ជូនពរអ្នកទាំងពីរក្នុងថ្ងៃពិសេសឆាប់ៗផងដែរ៕
សូមចុចទីនេះដើម្បីទស្សនាវីដេអូ៖
