មហាជនតាមដានការប្រកួតកម្មវិធី Cambodian Idol រដូវកាលទី ៥ ច្បាស់ជាបានស្គាល់រួចមកហើយ នូវយុវជនឆ្នើម Top 7 លោក នួន បូរ៉ា ដែលមានសមត្ថភាព ឆក់យកបានបេះដូងអ្នកគាំទ្រតាំងពីថ្ងៃឈានជើងចូលប្រកួត។
ក្នុងនោះ បើទោះជាមិនអាចឈានជើងចូលទៅកាន់វគ្គផ្តាច់ព្រ័ត្រ តែលោក នួន បូរ៉ា នៅតែទទួលបានប្រជាប្រិយភាព និង ទីផ្សារការងារសិល្បៈក្នុងវិស័យចម្រៀងកាន់តែខ្លាំង ដោយលោកបានបង្ហាញវត្តមានក្នុងកម្មវិធីនានាជាច្រើន។
ដោយឡែក ថ្មីៗនេះ លោក នួន បូរ៉ា បានបញ្ចេញវីដេចម្រៀងមួយបទ ដែលលោកបាន Cover បទ «ម្នាក់ឯងរហូត» ជាសំនៀងដើមរបស់លោក ទ្រី សក្កដា កំពុងទទួលបានការចាប់អារម្មណ៍យ៉ាងខ្លាំងពីសំណាក់អ្នកគាំទ្រ។
MV នេះដែរ អ្វីកាន់តែធ្វើឱ្យអ្នកគាំទ្រចាប់ក្រសែភ្នែកមើលនោះ ក៏ព្រោះមានការចូលរួមសម្តែងពីតារាស្រីវ័យក្មេងកញ្ញា រចនា រ៉ាវ៉ាឌី ទៀតផង ដោយក្នុងការសម្តែងតារាប្រុសស្រីទាំង ២ ស័ក្តិសមនឹងគ្នាយ៉ាងខ្លាំង។
ជាការពិតណាស់ លោក នួន បូរ៉ា និង កញ្ញា រចនា រ៉ាវ៉ាឌី គឺមិនត្រឹមស្គាល់គ្នាក្នុងនាមជាអ្នកសិល្បៈប៉ុណ្ណោះទេ តែតារាប្រុសស្រីវ័យក្មេងមួយគូនេះ មានភាពស្និទ្ធស្នាលនឹងគ្នាខ្លាំងលើសពីមិត្តភក្តិទៅទៀត ពោលគឺលោក នួន បូរ៉ា និង កញ្ញា រចនា រ៉ាវ៉ាឌី ស្គាល់គ្នាច្រើនឆ្នាំ រាប់អានគ្នាដូចជាបងប្អូនយ៉ាងដូច្នោះដែរ៕
សូមទស្សនាវីដេអូខាងក្រោម៖
