កាលពីថ្ងៃទី ០៨ ខែធ្នូ ឆ្នាំ ២០២៤ កន្លងទៅនេះ អ្នកគាំទ្រនិយមតាមដានរាល់បណ្តាញសង្គមនានារបស់អតីតបេក្ខភាព MasterChef Cambodia រដូវកាលទី ៣ លោក ហ្សង់ ច្បាស់ជាបានជ្រាបហើយថា លោកបានបង្ហោះវីដេអូមួយរៀបរាប់អារម្មណ៍មិនអស់ចិត្ត ក្រោយឃើញ រ៉ូលីន បានបង្ហោះវីដេអូលើ Tik Tok ត្រាប់កាយវិការដូចលោកកាលពីអំឡុងពេលប្រកួត។
ក្នុងនោះ លោក ហ្សង់ បានរៀបរាប់ថា ៖ «ការផលិតវីដេអូបែបនេះ គឺជាទម្រង់នៃការ Bully ដោយទី ១ យកភាពភ័យខ្លាចរបស់គេ យកមកធ្វើជាការលេងសើច ដើម្បីជាការរកស៊ី, ទី ២ ជាគំរូអាក្រក់ដល់ប្រជាជនខ្មែរ ដែលដឹងថាគ្រាន់ Bully លេងសើចគ្មានអី, ទី ៣ និយាយពីសិទ្ធិបុគ្គលគឺ រ៉ូលីន មិនបានសុំលោកធ្វើវីដេអូនេះ មិនបានសួរតើប៉ះពាល់អារម្មណ៍លោកអត់ ព្រោះធ្វើតាមលោក…»។
យ៉ាងណាមិញ ក្រោយពីឃើញការបង្ហោះពីអារម្មណ៍របស់លោក ហ្សង់ បែបនេះហើយ នៅព្រឹកថ្ងៃទី ០៩ ខែធ្នូ ឆ្នាំ ២០២៤ នេះ លោក ហ្សង់ ក៏បានបង្ហោះវីដេអូថ្មីមួយទៀតដែរថា លោក រ៉ូលីន បានឆាតមកសុំទោសលោក និង លុបចោលវីដេអូនោះហើយ ខណៈលោក ក៏បានលុបវីដេអូ ដែលបង្ហាញអារម្មណ៍ប្រតិកម្មក្រោយឃើញវីដេអូរបស់ រ៉ូលីន នោះចោលដែរ ដើម្បីបញ្ចប់រឿងរ៉ាវដែលបានកើតឡើង៕
សូមចុចទីនេះ ដើម្បីទស្សនាវីដេអូទី ៖
