បើនិយាយពីការប្រកួតចម្រៀងកុមារ Cambodian Idol Junior កាលពីអំឡុងចុងឆ្នាំ ២០១៩ មហាជនអ្នកធ្លាប់បានទស្សនា ច្បាស់ជានៅចាំច្បាស់ជាក់ជាមិនខានកុមារា ភឿន សុភាព ម្ចាស់ពានរង្វាន់ដំបូងនារដូវកាលទី ១។ កាលនោះ គេចាំបានថា ក្រោយការប្រកួតពោរពេញដោយសមត្ថភាព និង ទទួលបានជ័យលាភីហើយនោះ កុមារា ភឿន សុភាព ក៏បានក្លាយទៅជាតារាចម្រៀងប្រចាំផលិតកម្មរស្មីហង្សមាសផងដែរ។
ដោយឡែក ក្រោយដុះពន្លកចេញពីការប្រកួតចម្រៀងខាងលើមកទល់ពេលនេះ គឺរយៈពេល ៦ ឆ្នាំ មកហើយ ដែលម្ចាស់ជ័យលាភី Cambodian Idol Junior រដូវកាលទី ១ ភឿន សុភាព បានបន្តលើអាជីពសិល្បៈ។ មកដល់ពេលនេះ កុមារា ភឿន សុភាព បានពេញវ័យក្លាយជាបុរសសង្ហា និង ក្តោបការងារសិល្បៈមិនធម្មតា ដោយលោកបានចាប់ជំនាញផ្នែកចម្រៀងបុរាណទៀតផង។
ជាក់ស្តែង មួយរយៈធំក្រោយមកនេះ ភឿន សុភាព បានចាប់យកអាជីពជាអ្នកច្រៀងភ្លេងការបន្ថែមទៀត ជាមួយនឹងរៀមច្បងផ្នែកសិល្បៈបុរាណ គឺតារាពហុជំនាញ ខាត់ សុឃីម។ ក្នុងនោះដែរ អ្នកគាំទ្របានសរសើរដល់ តារាចម្រៀងមានដើមកំណើតមកពីខេត្តកំពង់ចាមរូបនេះថា លោក ភឿន សុភាព នៅក្មេងវ័យ ប៉ុន្តែទឹកដមសំឡេងច្រៀងពីរោះបានគ្រប់ទម្រង់ ជាពិសេស បទភ្លេងបុរាណតែម្តង៕
សូមចុចទីនេះ ដើម្បីទស្សនាវីដេអូ៖
