មហាជនអ្នកគាំទ្រដែលបានទស្សនាភាពយន្តខ្នាតធំខ្មែរ រឿង «កូននេន ម្តាយខ្មោច» របស់ផលិតកម្ម Sastra Film ច្បាស់ជាបានស្គាល់ហើយពីតួអង្គវ័យក្មេង កុសល ដែលបានបួសជាកូននេន និង តួអង្គម្ដាយ កំពុងផ្ទុះការចាប់អារម្មណ៍សរសើរខ្លាំងពីទេពកោសល្យសម្ដែងដ៏ប៉ិនប្រសប់របស់តួអង្គទាំងពីរ ទាំងទឹកមុខ ទាំងកាយវិការ មនោសញ្ចេតនាកម្សត់ក្នុងសាច់រឿងនេះបានសម និង ល្អមើលខ្លាំង។
ចំពោះតួអង្គកូននេន កុសល ដែលមហាជនកំពុងចែករំលែកចាប់អារម្មណ៍ក្នុងសាច់រឿងខ្នាតធំមួយនេះ ត្រូវបានគេស្គាល់ថាជាកុមារា វាសនា ធិណារាជ គឺជាតារាចម្រៀងវ័យក្មេងមួយរូបពន្លកចេញពីកម្មវិធី The Voice Kids Cambodia រដូវកាលទី ៣ ដែលធ្លាប់ឆក់បានការស្រឡាញ់គាំទ្រពីមហាជនអ្នកគាំទ្រវិស័យចម្រៀងជាច្រើនចំពោះសមត្ថភាព និង ទឹកដមសំឡេងរបស់កុមារារូបនេះ ព្រមទាំងរូបរាងដ៏ស្រស់សង្ហា និង ភាពគួរឱ្យស្រឡាញ់របស់អូនតូច។
យ៉ាងណាមិញ រំលងជាង ២ ឆ្នាំបន្ទាប់ពីចូលប្រឡងចម្រៀង និង ក្លាយជាតារាចម្រៀងវ័យក្មេងក្នុងវ័យ ១០ ឆ្នាំ ថ្មីៗកន្លងទៅនេះ កុមារា វាសនា ធិណារាជ ក៏បានចាប់ផ្ដើមប្រឡូកចូលវិស័យសម្ដែងជាលើកដំបូង ព្រមទាំងក្ដោបបានតំណែងជាតួឯកប្រុសវ័យក្មេងក្នុងភាពយន្តខ្នាតធំ «កូននេន ម្តាយខ្មោច» ដែលកំពុងចាក់បញ្ចាំងក្នុងរោងភាពយន្ត និង ផ្ទុះការគាំទ្រខ្លាំងពីមហាជនផងដែរ៕
សូមចុចទីនេះដើម្បីទស្សនាវីដេអូ៖
