ថ្មីៗនេះ មហាជនតាមដានអ្នកគាំទ្ររបស់តារាចម្រៀងស្រី ទេព បូព្រឹក្ស កំពុងចាប់អារម្មណ៍រំភើបខ្លាំង ចំពោះសកម្មភាពរបស់តារាចម្រៀងរូបនេះ និង ស្វាមី បានដឹកនាំក្រុមសម្ដែងសិល្បៈបុរាណ និង សម័យ ទៅកាន់ឆាកអន្តរជាតិនៅឯប្រទេសម៉ាឡេស៊ី ចូលរួមក្នុងកម្មវិធី Round Festival នៅថ្ងៃទី ២១ និង ២២ ខែមិថុនា ឆ្នាំ ២០២៥ កន្លងទៅនេះ។
ក្នុងកម្មវិធីអន្តរជាតិ Round Festival នេះដែរ ចំពោះការបង្ហាញទស្សនីយភាពដ៏អស្ចារ្យរបស់អ្នកនាង ទេព បូព្រឹក្ស និង ក្រុមសម្ដែងសិល្បៈ កំពុងធ្វើឱ្យបណ្ដាទស្សនិកជនទូទាំងប្រទេសចែករំលែកបង្ហាញក្ដីរំភើប និង មោទកភាពខ្លាំងចំពោះកម្ពុជាយើង ដែលធ្វើបានល្អ និង ព្រឺរសម្បុរខ្លាំងលើឆាកដ៏ធំនេះ។
ទស្សនីយភាពដ៏អស្ចារ្យរបស់អ្នកនាង ទេព បូព្រឹក្ស សម្ដែងលើឆាកប្រទេសម៉ាឡេស៊ីយប់មិញនេះ មានចម្រៀង ៣ បទ គឺបទ «វីរៈនារី», «ទេវរាជ» និង បទ «Drama Queen» សុទ្ធសឹងតែជាចម្រៀងមានអត្ថន័យជួយលើកស្ទួយផ្សព្វផ្សាយបង្ហាញពីវប្បធម៌ អរិយធម៌យ៉ាងអស្ចារ្យរបស់កម្ពុជា បូករួមទាំងការសម្ដែងសិល្បៈបុរាណខ្មែរលាយសម័យជាច្រើនទម្រង់មាន ល្ខោនខោល របាំមណីមេខលា ល្បុក្កតោ និង អប្សរា ក្នុងបទចម្រៀងទាំងនោះផងដែរ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
