គិតមកដល់ពេលនេះ រយៈពេលជិត ២ ខែហើយ ដែលតារាចម្រៀងស្រី រ៉ាប៊ី បានលាភាពនៅលីវកាន់ដៃលោក Nick Taylor ចូលរោងការតាមប្រពៃណី និង កំពុងចាប់ផ្ដើមសាងគ្រួសារយ៉ាងមានក្ដីសុខក្រោមឈ្មោះជាប្ដីប្រពន្ធដ៏ផ្អែមល្ហែម តែងស្ដែងឱ្យមហាជនបានឃើញ និង លួចច្រណែន។
លើសពីនេះ ប៉ុន្មានខែក្រោយរៀបការ ក្រៅពីបង្ហាញភាពផ្អែមល្ហែមក្នុងជីវិតប្ដីប្រពន្ធ រ៉ាប៊ី ក៏តែងបង្ហាញសកម្មភាពចាប់ដៃគ្នាជាមួយស្វាមីធ្វើការយ៉ាងមមាញឹក ដោយស្របពេលរៀបការមានស្វាមី នាងក៏កាន់តែក្ដោបបានសន្ទុះទីផ្សារខ្លាំង ការងារហូរចូលរកចំណូលបានកាន់តែច្រើន។
ជាក់ស្ដែង ថ្មីៗនេះ ក៏បានឃើញតារាចម្រៀងស្រី រ៉ាប៊ី បង្ហាញពីភាគជោគជ័យមួយទៀត បន្ទាប់ពីរៀបការទទួលបានស្វាមីបណ្ដូលចិត្តដ៏ស្រស់សង្ហា នាងក៏បានបង្ហាញសមាជិកថ្មីជារថយន្តទំនើបថ្មីសន្លាងមួយគ្រឿង ដែលទើបចាយលុយខ្ទង់សែនដុល្លារទិញចូលក្នុងគ្រួសាររបស់នាងផងដែរ។ ក្នុងនោះ រ៉ាប៊ី ក៏បានសរសេរភ្ជាប់ជាមួយវីដេអូស្វាគមន៍រថយន្តថ្មីដែរថា ៖ «ការហើយ 2 ខែ សល់ប្ដីមួយកូនមួយ»៕
សូមចុចទីនេះដើម្បីទស្សនាវីដេអូ៖
