ថ្មីៗនេះ អ្នកលេងបណ្តាញសង្គមហ្វេសប៊ុក មានការភ្ញាក់ផ្អើលយ៉ាងខ្លាំងបន្ទាប់ពីលោក សឿន វីតា បានបង្ហោះវីដេអូ និង សាររៀបរាប់ពីរឿងឈឺចាប់ បៀមទុក្ខក្នុងទ្រូង ក៏ព្រោះប្អូនស្រីបង្កើតជួបនូវអំពើហិង្សាពីស្វាមី។
សារ និង វីដេអូនោះដែរ លោក សឿន វីតា បានលើកឡើងថា លោកស៊ូទ្រាំអស់រយៈពេលប្រមាណជាកន្លះឆ្នាំសិន ទម្រាំប្អូនស្រីបង្កើតរបស់លោកសម្រាលកូនរួច ទើបលោកទម្លាយ។
ក្នុងនោះ លោក សឿន វីតា បានរៀបរាប់ថា៖ «ប្អូនស្រីបង្កើតឆ្លងទន្លេ មើលប្អូនស្រីហើយខ្ញុំឈឺចាប់ណាស់ ដែលជ្រើសរើសប្តីចិត្តសាហាវជាងសត្វធាតុ វាយធ្វើបាបបង្ខំឱ្យយកកូនចេញ តែប្អូនខ្ញុំថែរក្សាកូនគាត់មកដល់ថ្ងៃនេះ។ គាត់សុខចិត្តវេទនា ដើម្បីកូន តែអាប្តីថោកទាបបាត់ក្បាលមកដល់ពេលនេះ មិនដឹងទៅដល់ណាទេ អាថោកទាបនោះឈ្មោះ (ភាព) ប្តី ( សឿន ដូងច័ន្ទ) អ្នកណាបានស្គាល់វា ពិសេសស្រីសូមប្រុងប្រយ័ត្នផង អានេះសណ្តានឆ្កែ ប្រើតែអំពើហិង្សាលើមនុស្សស្រី។ ច្បាប់មិនលើកលែងឱ្យឯងទេ ប្អូនខ្ញុំកើតកូនហើយសិន ខ្ញុំនឹងដាក់ពាក្យប្តឹងមនុស្សធុនឯងឱ្យបាន»៕
ចុចទីនេះ ដើម្បីទស្សនាវីដេអូលម្អិត៖
