មហាជននិយមតាមដានពីការងារសិល្បៈរបស់ តារាស្រី ឆ័យលី ដាឡែន ច្បាស់ជាបានជ្រាបមកហើយ ពីប្រជាប្រិយភាពក្នុងវិថីសិល្បៈរបស់អ្នកនាងនារយៈពេលប្រមាណជាង ១៥ ឆ្នាំ មកនេះ។ យ៉ាងណាមិញ មួយរយៈចុងក្រោយនេះ អ្នកនាង ឆ័យលី ដាឡែន ហាក់ស្ងប់ស្ងាត់លើវិថីសិល្បៈ ព្រមទាំងមិនសូវបង្ហាញវត្តមានលើគណនី ផេក ឬហ្វេសប៊ុកនោះឡើយ ពោលគឺភាគច្រើន អ្នកនាង បានបង្ហាញតែលើគណនី Tik Tok ប៉ុណ្ណោះ។
ម្យ៉ាងវិញទៀត រយៈពេលប្រមាណជិត ១ ឆ្នាំនេះ អ្នកនាង ឆ័យលី ដាឡែន បានចាកចេញទៅរស់នៅឯសហរដ្ឋអាមេរិកយ៉ាងស្ងប់ស្ងាត់ ដោយបច្ចុប្បន្ន តាមរយៈការបង្ហោះជារឿយៗរបស់តារាស្រីរូបនេះ គឺនាងកំពុងធ្វើការនៅហាងមួយនៅទឹកដីសហរដ្ឋអាមេរិកដែរ។
ងាកទៅកាន់រឿងរ៉ាវជីវិតគូឯណោះវិញ អ្នកគាំទ្រក៏ច្បាស់ជាបានជ្រាបហើយ ក្រោយពីបែកបាក់នឹងអតីតស្វាមី អស់រយៈពេលជាច្រើនឆ្នាំហើយនោះ អ្នកនាង ឆ័យលី ដាឡែន ក៏មិនទាន់មានអ្នកថ្មីស្អំបេះដូងនៅឡើយនោះទេ។ ដោយឡែក ក្រោយពីចាកចេញទៅរស់នៅសហរដ្ឋអាមេរិកបានប្រមាណ ១ ឆ្នាំ ពេលនេះ តារាស្រីខាងលើបានបង្ហាញមុខមាត់គូស្នេហ៍ថ្មីហើយ ជាបុរសសង្ហាអណិកជនមួយរូប៕
សូមចុចទីនេះ ដើម្បីទស្សនាវីដេអូ៖
