គិតមកដល់ពេលនេះ រយៈពេលជាង ៧ ឆ្នាំមកហើយ ដែលតារាចម្រៀងស្រី សុគន្ធ និសា និង ស្វាមីបណ្ដូលចិត្ត បានចាប់ដៃគ្នាសាងគ្រួសារយ៉ាងមានសុភមង្គល ដ្បិតតែមិនទាន់ទទួលបានជីវិតគ្រួសារពេញលេញដោយមានទាយាទស្នងត្រកូលនឹងគេមែន ប៉ុន្តែក៏មានក្ដីសុខខ្លាំងតាមបែបជីវិតប្ដីប្រពន្ធរបស់អ្នកទាំងពីរ។
បើនិយាយពីជីវិតប្ដីប្រពន្ធរបស់តារាចម្រៀងស្រីរូបនេះ ចាប់តាំងពីរៀបការសាងគ្រួសារនឹងគ្នាមក កម្រនឹងបានឃើញអ្នកនាង សុគន្ធ និសា និង ស្វាមី បង្ហាញសកម្មភាពផ្អែមល្ហែម ឬបណ្ដើរគ្នាទៅណាមកណាបង្ហោះនៅលើបណ្ដាញសង្គមញឹកញាប់ដូចគូដទៃឡើយ ដោយភាគច្រើនតារាស្រីរូបនេះ បង្ហាញតែពេលមានកម្មវិធី ឬក្នុងថ្ងៃពិសេសផ្សេងៗប៉ុណ្ណោះ។
ដោយឡែក ថ្មីៗនេះ អ្វីដែលកំពុងធ្វើឱ្យមហាជនអ្នកគាំទ្រតាមដានរបស់តារាចម្រៀងស្រីរូបនេះ ចាប់អារម្មណ៍ និង រំភើបជំនួស ខណៈបានឃើញវីដេអូមួយលើគណនី TikTok របស់អ្នកនាង សុគន្ធ និសា នាំស្វាមីបណ្ដូលចិត្តលេងត្រេនលើ TikTok ជាមួយគ្នាយ៉ាងផ្អែមល្ហែមពេញដោយស្នាមញញឹម និង គួរឱ្យស្រឡាញ់ខ្លាំង ស្ដែងពីជីវិតប្រពន្ធមានក្ដីសុខខ្លាំង ទោះជាពុំទាន់មានបុត្រប្រលែងលេងដូចគេមែន៕
សូមចុចទីនេះដើម្បីទស្សនាវីដេអូ៖
