បើគិតមកដល់ពេលនេះ រយៈពេល ៣ ឆ្នាំ មកហើយ ដែលស្រី ឌុច លីដា និង ស្វាមីបានរៀបអាពាហ៍ពិពាហ៍តាមប្រពៃណីជាផ្លូវការ បន្ទាប់ពីទទួលបានកូនប្រុសម្នាក់ ដែលកាលនោះគេចាំបានថា មង្គលការអ្នកនាង ឌុច លីដា និង ស្វាមីអញ្ជើញតែមិត្តស្និទ្ធស្នាលចូលរួមតែប៉ុណ្ណោះ។
ជាការពិតណាស់ ក្រោយចាប់ដៃគ្នាសាងគ្រួសារហើយនោះ អ្នកនាង ឌុច លីដា និង ស្វាមី ក៏មិនសូវដែលបង្ហាញពីជីវិតគូឯកជនរបស់ខ្លួនលើបណ្តាញសង្គមញឹកញាប់នោះឡើយ ប៉ុន្តែអ្នកនាង ឌុច លីដា សព្វថ្ងៃពិតជារស់នៅពោរពេញដោយសុភមង្គល ដោយក្នុងនោះ អ្នកនាងក៏បានចូលប្រឡូកក្នុងវិស័យសិល្បៈវិញ និង មានឈ្មោះជាថៅកែហាងជាច្រើនកន្លែងផងដែរ។
ម្យ៉ាងវិញទៀត បើនិយាយពីជីវិតស្វាមីភរិយាវិញ បើទោះជាកម្របង្ហាញជាសាធារណៈ ប៉ុន្តែរាល់ពេលបង្ហាញម្តងៗនោះ ធ្វើឱ្យអ្នកគាំទ្រសរសើរដល់ជីវិតរបស់អ្នកនាង ឌុច លីដា ដែលមានស្វាមីមើលថែ ស្រឡាញ់ឱ្យតម្លៃតាមបែបចាស់ទុំ។ ជាងនេះទៅទៀត ថ្មីៗនេះ បើតាមការលេង Trending VDO តាមសំឡេងមួយក្នុង Tik Tok របស់អ្នកនាង ឌុច លីដា និង ស្វាមី ហាក់បង្ហាញពីជីវិតពិតរបស់អ្នកនាងថា ស្វាមីអ្នកនាង ស្រឡាញ់ គោរព ឱ្យតម្លៃអ្នកនាងដូចជាម្ចាស់ក្សត្រីយ៉ាងដូច្នោះ៕
សូមចុចទីនេះ ដើម្បីទស្សនាវីដេអូ៖
