(វីដេអូ) ម៉ឺងម៉ាត់ពេលដាក់ពិន្ទុ តែនៅក្រៅឆាកគណៈកម្មការ ជេស៊ីកា ក៏មានដុងសិល្បៈ ច្រៀងពីរោះមិនធម្មតា

និយាយពីកញ្ញា ជេស៊ីកា មហាជនអ្នកតាមដានកម្មវីធី MasterChef Cambodia បានជ្រាបហើយថា កញ្ញាជាគណៈកម្មការស្រីនៃកម្មវិធីប្រកួតថ្វីដៃធ្វើម្ហូបលំដាប់ពិភពលោកនេះ ដែលនាងត្រូវបានចាត់ទុកថាជាស្រ្តីពេញដោយសមត្ថភាពដ៏ឆ្នើមក្នុងវិស័យម្ហូបអាហារ។

ចំពោះ កញ្ញា ជេស៊ីកា ដែលអ្នកគាំទ្រតែងហៅថា Chef  ដ៏ស្រស់សោភារូបនេះ កន្លងមក ក្រៅពីទទួលបានការចាប់អារម្មណ៍សរសើរពីសមត្ថភាពដ៏ឆ្នើម និង ភាពម៉ឺងម៉ាត់ក្នុងនាមជាគណៈកម្មការនៃកម្មវិធី MasterChef Cambodia នេះ កញ្ញាក៏ត្រូវបានមហាជនចាប់អារម្មណ៍ពីជីវិតឯកជន ការងារមុខជំនួញផ្សេងៗ រឿងរ៉ាវស្នេហា ព្រមទាំងសកម្មភាពខាងក្រៅផ្សេងៗដ៏គួរឱ្យស្រឡាញ់របស់នាងផងដែរ។

ជាក់ស្ដែង ថ្មីៗនេះ អ្វីដែលកាន់តែធ្វើឱ្យមហាជនចាប់អារម្មណ៍ទៀតចំពោះ Chef ជេស៊ីកា ខណៈបានឃើញនាងបង្ហោះវីដេអូមួយ ដែលជាសកម្មភាពជួបជុំជាមួយនឹងបេក្ខជនកម្មវីធី MasterChef Cambodia ជាច្រើនរូបនៅ Pub មួយកន្លែង ដោយ Chef រូបនេះ បានឡើងច្រៀងផ្ទាល់លើឆាកតន្រ្តីជាភាសាអង់គ្លេសឱ្យបេក្ខជនរាំទៀតផង។

វីដេអូនេះដែរ បានបង្ហាញឱ្យអ្នកគាំទ្រឃើញថា កញ្ញា ជេស៊ីកា មិនត្រឹមតែជា គណៈកម្មការដ៏ឆ្នើមក្នុងវិស័យចម្អិនម្ហូប និង កាន់មុខជំនួញផ្សេងៗនោះទេ នាងថែមទាំងមានដុងសិល្បៈអាចចេះច្រៀងបានយ៉ាងពីរោះមិនធម្មតាទៀតផង៕

សូមទស្សនាវីដេអូខាងក្រោម៖