(វីដេអូ) មួយឃ្លីបដែល សួស វីសា និង ស្វាមី សម្ដែងខ្លាចប្ដីមានស្រីពេលប្រពន្ធពពោះ ធ្វើឱ្យអ្នកគាំទ្រគាំងខ្លាំង

ក្រៅពីមានអាជីពជាតារាចម្រៀងល្បីឈ្មោះ និង ជាអ្នកជំនួញមួយរូប អ្នកនាង សួស វីសា ក៏ជាភរិយា និង ជាអ្នកម៉ាក់ដ៏ល្អ ក្នុងការមើលថែក្រុមគ្រួសារឱ្យរស់នៅប្រកបដោយក្ដីសុខ ហើយអ្នកគាំទ្ររបស់តារាស្រីរូបនេះ ប្រាកដជាជ្រាបហើយថា ពេលនេះអ្នកនាង និង ស្វាមីគឺលោក ថមមី ក៏កំពុងត្រៀមចាំទទួលសមាជិកថ្មី ជាកូនទី ២ យ៉ាងអន្ទះសាផងដែរ។

អំឡុងពេលទម្ងន់កូនទី ២ នេះ អ្នកនាង សួស វីសា និង ស្វាមី តែងថតវីដេអូបង្ហោះលើហ្វេសប៊ុក និង Tiktok លេងជាប្រចាំ ដើម្បីចែករំលែកក្ដីស្រឡាញ់ និង ជីវិតរស់នៅប្រចាំថ្ងៃជូនដល់មហាជនអ្នកគាំទ្ររបស់ពួកគេ ដោយវីដេអូសម្ដែងរបស់ប្ដីប្រពន្ធអ្នកសិល្បៈមួយគូនេះ តែងទទួលបានការស្រឡាញ់ចូលចិត្តទស្សនាពីមហាជនយ៉ាងច្រើន។

ជាក់ស្ដែងវីដេអូថ្មីមួយដែលអ្នកនាង សួស វីសា និង លោក ថមមី សម្ដែងជាមួយគ្នា ដោយក្នុងខ្លឹមសារចង់សំដៅដល់ពេលប្រពន្ធកំពុងមានទម្ងន់ អ្នកនាង សួស វីសា ខ្លាចស្វាមីមានស្រីខាងក្រៅ កំពុងទទួលបានការពេញនិយមទស្សនាយ៉ាងខ្លាំង ព្រោះនៅក្នុងវីដេអូនោះ លោក ថមមី ក៏បានតុបតែងខ្លួនជាស្រីដែរ ថែមទាំងនិយាយបែបលេងសើចទៅកាន់កូនក្នុងផ្ទៃដើម្បីឱ្យភរិយាសប្បាយចិត្តទៀតថា កូនទី ២ ពេលសម្រាលមក នឹងមានម៉ាក់ ២ នាក់ហើយ។ សូមចុចទីនេះ ដើម្បីទស្សនាវីដេអូ ៖