ជាការពិតណាស់ Album ចម្រៀងទី ៣ របស់តារាចម្រៀងរ៉េប វណ្ណដា ដែលមានឈ្មោះថា «Trey Visai» បានបញ្ចេញផ្នែកទី ១ និង ទី ២ រួចរាល់ហើយ ខណៈផ្នែកទី ៣ នឹងត្រៀមបង្ហាញក្នុងពេលឆាប់ៗខាងមុខនេះ។
យ៉ាងណាមិញ អ្វីដែលកាន់តែពិសេសសម្រាប់ផ្នែកទី ៣ នៃ Album «Trey Visai» នេះដែរ កាលពីថ្ងៃទី ១១ ខែឧសភា ឆ្នាំ ២០២៥ កន្លងទៅ តារាចម្រៀងរ៉េប វណ្ណដា បានបង្ហើបពីការផលិតចម្រៀង «Time To Rise 2» ដែលជាបទអ្នកគាំទ្ររង់ចាំជាយូរណាស់មកហើយ។ ក្នុងនោះ អ្វីកាន់តែមិនអាចឱ្យអ្នកគាំទ្ររង់ចាំទៀតបាន វណ្ណដា បានឱ្យដឹងថា «Time To Rise 2» មិនមែនចេញតែមួយបទ គឺចេញជា Album តែម្តង ដើម្បីគោរពកិត្តិយសខ្ពង់ខ្ពស់ដល់លោកតា គង់ ណៃ។
ដោយឡែក ស្របពេលការជម្រាបពីការបញ្ចេញ «Time To Rise 2» នោះ តារាចម្រៀងរ៉េប វណ្ណដា និង ផលិតកម្មបារមី គឺមិនភ្លេចឡើយ នូវការគោរពដឹងគុណលោកតា គង់ ណៃ ដោយ វណ្ណដា និង ក្រុមការងារបានធ្វើពិធីសំពះគ្រូ ដោយរំឭកដល់ព្រឹទ្ធាចារ្យកោសល្យវោហារ គង់ ណៃ។
ក្នុងនោះ ក្រោយឃើញពីការរៀបចំនេះដែរ មហាជនក៏បានសរសើរដល់តារាចម្រៀង វណ្ណដា និង ផលិតកម្មបារមី ថាពិតជាធ្វើបានខ្ជាប់ខ្ជួននៃការដឹងគុណដល់លោកគ្រូ ដែលបានចែកឋានទៅហើយនោះ៕
សូមចុចទីនេះ ដើម្បីទស្សនាវីដេអូ៖
