ទំនាក់ទំនងស្នេហារវាងតារាចម្រៀងរូបសង្ហា ថុល សុភិទិ និង អ្នកលក់អនឡាញដ៏ល្បី អ្នកនាង ឡុង ម៉ានីន កាន់តែរឹងមាំឈានឡើងមួយកម្រិតទៀតហើយ បន្ទាប់ពីខាងប្រុសបានលុតជង្គង់សុំនាងរៀបការក្នុងកម្មវិធីខួបកំណើតរបស់នាង នៅរាត្រីថ្ងៃទី ២៦ ខែមិថុនា ឆ្នាំ ២០២៥។
ការលុតជង្គង់សុំគូស្នេហ៍បណ្ដូលចិត្តរៀបការរបស់ ថុល សុភិទិ គឺមានភ្ជាប់ជាមួយនូវចិញ្ចៀនពេជ្រដ៏ប្រណីតស្រស់ស្អាត ហើយក៏ទទួលបានការយល់ព្រមពីមិត្តស្រីជាទីស្រលាញ់ផងដែរ ដោយការសុំរៀបការនេះ គឺធ្វើឡើងនៅចំពោះមុខមិត្តភក្ដិស្និទ្ធស្នាលដែលជាភ្ញៀវអញ្ជើញមកចូលរួមក្នុងកម្មវិធីខួបកំណើតគម្រប់អាយុ ២៧ ឆ្នាំរបស់នាង។
យ៉ាងណាមិញ បើតាមការបង្ហើបពីខាងស្រីបានឱ្យដឹងថា ពួកគេទាំងពីរបានត្រៀមខ្លួនរៀបចំពិធីភ្ជាប់ពាក្យនៅខែ សីហា ខាងមុខនេះរួចស្រេចទៅហើយ ប៉ុន្ដែការសុំរៀបការរបស់ ថុល សុភិទិ កាន់តែបញ្ជាក់ពីចិត្តស្មោះត្រង់ និង ក្ដីស្រឡាញ់ចំពោះគូស្នេហ៍ ហើយក៏ជាការបំពេញកិត្តិយសជូននារីដែលលោកស្រឡាញ់ផងដែរ៕
ចុចទីនេះ ដើម្បីទស្សនាវីដេអូទី ១៖
ចុចទីនេះ ដើម្បីទស្សនាវីដេអូទី ២៖
