និយាយពីតារាចម្រៀងវ័យក្មេង ថៃ អតិជាតិបុត្រ ក្រោយពីស្ងប់ស្ងាត់បាត់មុខលើវិថីសិល្បៈមួយរយៈធំ ស្រាប់តែថ្មីៗកន្លងទៅ លោកបានធ្វើឱ្យមហាជនអ្នកគាំទ្រលើបណ្ដាញសង្គមផ្ទុះការចាប់អារម្មណ៍ភ្ញាក់ផ្អើល និង ចែករំលែកតៗគ្នានូវវីដេអូសកម្មភាពមួយរបស់លោក ខណៈបានឃើញសភាពរបស់តារាវ័យក្មេងរូបនេះ ហាក់ប្រែជាស្គមស្រក់គីឡូប្លែកខ្លាំងខុសពីមុន។
ស្របពេលមហាជនអ្នកលេងបណ្ដាញសង្គមផ្ទុះការចាប់អារម្មណ៍វែកញែកខ្លាំងលើរូបលោក ប៉ុន្មានថ្ងៃក្រោយ ថៃ អតិជាតិបុត្រ ក៏បានប្រកាសពីការវិលត្រឡប់លើវិស័យចម្រៀងជាថ្មី និង ចាប់ផ្ដើមបង្ហាញសកម្មភាពថ្មីៗ តុបតែងខ្លួនស្អាតភ្លឹងៗធ្វើការផ្សព្វផ្សាយផលិតផលផ្សេងៗនៅតែសង្ហាដូចពីមុនដដែល ដោយកំពុងទទួលបានការចាប់អារម្មណ៍សរសើរជាថ្មីពីរូបសម្រស់របស់លោក។
ដោយឡែក ក្រោយវិលចូលវិស័យសិល្បៈពេញលេញវិញ ថ្មីៗនេះ ថៃ អតិជាតិបុត្រ ក៏ត្រូវបានអញ្ជើញចូលរួមធ្វើកិច្ចសម្ភាសក្នុងកម្មវិធី «VTalk Confession» ដែលលោកបាននិយាយរៀបរាប់រឿងរ៉ាវជាច្រើនពាក់ព័ន្ធជីវិតឯកជន ព្រមទាំងរឿងបាត់មុខពីវិស័យសិល្បៈមួយរយៈធំនោះផងដែរ។
ក្នុងនោះ ថៃ អតិជាតិបុត្រ ក៏បាននិយាយបកស្រាយជុំវិញរឿងរ៉ាវដែលមានបញ្ហាកាលពីមួយរយៈមុន ធ្វើឱ្យមហាជនវែកញែកលើរូបលោក ជាពិសេសគឺរូបរាងស្គមស្គាំងរបស់លោករហូតមានអ្នកគិតថាលោកប្រើថ្នាំ ដែលបានឱ្យដឹងថាពេលនោះ គឺព្រោះលោកទើបតែពុលចំណីឈឺជាង ១ សប្ដាហ៍ហើយ គេងមិនបាន ញ៉ាំមិនបានស្លក់ខ្លាំង ទើបមានសភាពស្គមស្គាំងបែបនេះ៕
សូមចុចទីនេះដើម្បីទស្សនាវីដេអូ៖
សូមចុចទីនេះដើម្បីទស្សនាវីដេអូ៖
