បន្ទាប់ពីកម្មវិធីបើកបង្ហាញបេក្ខភាពជាបន្តបន្ទាប់អស់រយៈពេល ២ សប្តាហ៍កន្លងមករួច ពេលនេះការប្រកួតប្រជែងបញ្ញាយុទ្ធសាស្ត្រ និង កម្លាំងដ៏ធំបំផុត ព្រមទាំងមានតែមួយគត់នៅប្រទេសកម្ពុជា «កម្លាំងគោជល់» បានចាប់ផ្ដើមចាក់ផ្សាយឡើងវិញហើយ ដោយបេក្ខភាពទំាងអស់បានមកជួបគ្នាជាថ្មីនៅលើទីលានប្រកួតដ៏ក្តៅគគុក និង ពោរពេញទៅដោយការប្រកួតប្រជែងគ្នាយ៉ាងស្វិតស្វាញ។
ជាពិតណាស់ ក្រោយពីបានរកឃើញបេក្ខភាពសរុបចំនួន ៤០ នាក់ មានសមត្ថភាព អាជីពខុសៗគ្នា និង មកពីតាមបណ្តាខេត្តនានាក្នុងប្រទេសកម្ពុជា កម្មវិធី «កម្លាំងគោជល់» បានបន្តធ្វើបេសកកម្មប្រកួតជម្រុះស្វែងរកបេក្ខជនពេញសិទ្ធិអស់ពី ២ សប្តាហ៍មកហើយ។ ស្របគ្នានេះ បេសកកម្មស្វែងរកបេក្ខជនពេញសិទ្ធិនៅតែបន្ត ដោយនៅថ្ងៃទី ៤ ខែតុលា ឆ្នាំ ២០២៥ កន្លងទៅនេះ កម្មវិធី «កម្លាំងគោជល់» បានវិលត្រឡប់មកវិញ ជាមួយនឹងការឈានមកដល់សប្តាហ៍ទី ៣។
នៅក្នុងសប្តាហ៍ទី ៣ នេះដែរ វិញ្ញាសារនៃការប្រកួតកម្មវិធីកម្លាំងដ៏ធំ និង ដំបូងគេនេះ បានធ្វើឱ្យអ្នកទស្សនាមានការចាប់អារម្មណ៍យ៉ាងខ្លាំង ដោយគណៈកម្មការបានបង្ហាញវិញ្ញាសាប្រកួតចំនួន ៣ ផ្សេងគ្នាដើម្បីរកជើងខ្លាំងឈ្នះអាវក្លាយជាបេក្ខជនពេញសិទ្ធិ ក្នុងនោះរួមមាន វិញ្ញាសាអាហ្វង់, វិញ្ញាសាញញួរកម្លាំង និង វិញ្ញាសាគណិតវិទ្យា។
អ្វីដែលនឹកស្មានមិនដល់ វិញ្ញាគណិតវិទ្យា គឺវិញ្ញាសាមួយដែលបេក្ខភាពភ្ញាក់ផ្អើលយ៉ាងខ្លាំងក្នុងការប្រកួតនេះ ខណៈកម្មវិធីគឺជាការប្រកួតកម្លាំង ប៉ុន្តែបែរជាមានវិញ្ញាសាគណិតវិទ្យា តម្រូវធ្វើប្រមាណវិធីទៅវិញ។ យ៉ាងណាមិញ បើទោះជាវិញ្ញាសាគណិតវិទ្យា គឺជាវិញ្ញាសារមិនបានប្រើកម្លាំងដូចនឹងវិញ្ញាសាដទៃក៏ពិតមែន ប៉ុន្តែវិញ្ញាសានេះបានបញ្ជាក់ពីការតាំងស្មារតី និង បញ្ញាយុទ្ធសាស្ត្រពីបេក្ខជន ទើបអាចទទួលបានជោគជ័យ។
គួរជម្រាបថាកម្មវិធី «កម្លាំងគោជល់» នឹងមានចាក់ផ្សាយរៀងរាល់ថ្ងៃសៅរ៍ វេលាម៉ោង ៦:៣០ នាទី ល្ងាច ដល់ម៉ោង ៨:០០ នាទីយប់ នៅលើកញ្ចក់ទូរទស្សន៍ CTN និង ទំព័រហ្វេសប៊ុកផ្លូវការ RedBull Power តែមួយគត់៕
សូមចុចទីនេះ ដើម្បីទស្សនាវីដេអូ៖
