ថ្មីៗនេះ អ្នកលេងបណ្តាញសង្គមហ្វេសប៊ុក និង Tik Tok បានចែករំលែកនូវវីដេអូមួយរបស់តារាសម្តែងជើងចាស់ល្បីឈ្មោះ អ្នកស្រី ចាន់ តារាទី លើកឡើងពីមនុស្សបច្ចុប្បន្ន ដែលចូលចិត្តហៅគ្នាថា «ម៉ែៗ»។
ក្នុងវីដេអូនោះ អ្នកស្រី ចាន់ តារាទី បានរៀបរាប់ក្នុងន័យថា៖ «… ហើយក៏ចង់និយាយដែរ មនុស្សឥលូវមិនដឹងយ៉ាងម៉េច ឃើញអ្នកណាក៏ អ្នកគ្រូ ម៉ែ អ្នកគ្រូ ម៉ែ បងថាឱ្យទៀត! អ្នកខ្លះចាស់សឹងចំណាស់ប្តីយើង ទាល់ពេលឃើញយើង ម៉ែ ខ្ញុំថា នែក ហៅម៉ែហ្នឹង អាម៉េចខ្ញុំធ្លាប់យកឪខ្លួនឯងនុងពីកាល ព្រោះអត់ចូលចិត្ត និយាយឱ្យត្រង់ ភាគច្រើនអ្នកនៅក្នុងសិល្បៈ ប្រហែលជាដឹងហើយ…»។
យ៉ាងណាមិញ ក្នុងវីដេអូនោះដែរ ក៏មានមហាជនជាច្រើនបានចូលទៅបញ្ចេញមតិរៀងៗខ្លួន ដោយក្នុងនោះ មានទាំងការពេញចិត្ត និង ខ្លះទៀតក៏បញ្ចេញយោបល់តាមការយល់ឃើញរៀងៗខ្លួនចំពោះការលើកឡើងរបស់តារាភាពយន្តជើងចាស់ ច័ន្ទ តារាទី ។
យ៉ាងណាមិញ ក្នុងនោះ គេក៏បានឃើញកូនស្រីបង្កើតរបស់វីរសិល្បករ អ្នកស្រី ឌី សាវ៉េត គឺ កញ្ញា ឌី ហ្សូលី ដែលជានាដការបាំ ក៏បានចេញមកបញ្ចេញមតិរបស់ខ្លួន ព្រមទាំងលើកឡើងថា អ្នកម្តាយរបស់កញ្ញា ក៏មិនសូវចូលចិត្តឱ្យគេហៅ ម៉ែ ដែរ។
កញ្ញា ឌី ហ្សូលី បានរៀបរាប់ថា៖ «ម្តាយខ្ញុំក៏មិនសូវចូលចិត្តដែរ គ្រាន់តែគាត់មិនមាត់ តែបើគាត់ឮខ្ញុំនិយាយទៅកាន់នរណាម្នាក់ ហៅម៉ែ គាត់សួរភ្លាមថា យ៉ាងម៉េចទៅត្រូវហៅ ម៉ែ ភាសាខ្មែរ គេមានឱ្យប្រើតើ! អ្នកមីង លោកអ៊ំ ប៉ុណ្ណេះ គឺពាក្យសមក្នុងការប្រើ សម្រាប់ក្មេងៗនិយាយទៅកាន់មនុស្សចាស់ហើយ»៕
សូមចុចទីនេះ ដើម្បីទស្សនាវីដេអូ៖
