នៅព្រឹកថ្ងៃទី ០៩ ខែកញ្ញា ឆ្នាំ ២០២៥ នេះ ជាថ្ងៃជាវេលាល្អក្នុងប្រវត្តិសាស្ត្រ ដែលអាកាសយានដ្ឋានអន្តរជាតិតេជោ បានចាប់ផ្តើមសម្ពោធបើកដំណើរការស្វាគមន៍ភ្ញៀវទេសចរជាតិ និងអន្តរជាតិជាផ្លូវការ ចាប់ពីថ្ងៃនេះតទៅ។
ជាការពិត ស្របពេលដំណើរការនៃការចាប់ផ្តើមសម្ពោធបើកដំណើរការស្វាគមន៍ភ្ញៀវទេសចរជាតិ និង អន្តរជាតិជាផ្លូវការនោះ អ្វីដែលកាន់តែចាប់អារម្មណ៍ត្រង់ចំណុចពិសេសមួយនោះ គឺ ព្រលានយន្តហោះអន្តរជាតិតេជោ ប្រើលេខហុងស៊ុយល្អខ្លាំង គ្រប់យ៉ាងក្នុងព្រលានគឺលេខ ៩ ទាំងអស់។
ជាក់ស្តែង បើតាមការឱ្យដឹងពីលោក ត្រាក់ សូបញ្ញាវ័ន្ត ប្រធានស្ថាបត្យករនៃគម្រោងអាកាសយាន្តអន្តរជាតិតេជោ បានឱ្យដឹងថា លេខហុងស៊ុយភាគច្រើននៅឯអាកាសយាន្តដ្ឋានតេជោ គឺភាគច្រើនជាលេខ ៩ មិនថាតែចំនួន ប្រវែងនោះឡើយ។ លើសពីនោះ អ្វីដែលកាន់តែអស្ចារ្យ និង ចៃដន្យនោះ គឺគម្រោងអាកាសយាន្តដ្ឋានថ្មីនេះតាំងពីឆ្នាំ ២០១៧ និង គ្រោងបញ្ចប់ឆ្នាំ ២០២៣ ប៉ុន្តែបែរជាមកបញ្ចប់ និង បើកដំណើរការនៅថ្ងៃទី ០៩ ខែ ៩ និង ឆ្នាំ ២០២៥ ដោយបូកបញ្ជូលគ្នាទៅស្មើនឹងលេខ ៩ ទៀត (២+0+២+៥=៩)៕
សូមចុចទីនេះ ដើម្បីទស្សនាវីដេអូ៖
