ជាការពិតណាស់ ក្រោយពីចប់ការប្រកួតកម្មវិធី Rapper Fighter រដូវកាលទី ១ ហើយនោះ កំលោះសង្ហា Toro ត្រូវបានក្លាយទៅជាតារាចម្រៀងរ៉េបស្រករក្រោយ ឆក់បានប្រជាប្រិយភាពយ៉ាងខ្លាំងពីសំណាក់យុវវ័យ ក៏ព្រោះតែសមត្ថភាព និង សម្រស់ស្រស់សង្ហារបស់លោក។
ក្នុងនោះ បើទោះជាមិនបានក្លាយទៅជាម្ចាស់ពានកម្មវិធី Rapper Fighter រដូវកាលទី ១ និង បានត្រឹម Top 5 ក៏ពិតមែន ប៉ុន្តែកេរ្តិ៍ឈ្មោះរបស់លោកប្រដំប្រសងនឹងមិត្តភក្តិប្រកួតរួមគ្នា ៤ នាក់ទៀត រួមមានលោក OG Golden, លោក Ranngo, លោក Emi និង លោក Steezy ផងដែរ។
ដោយឡែក ក្រឡេកទៅមើលរឿងរ៉ាវឯកជនឯណោះវិញ លោក Toro សព្វថ្ងៃ គឺជានិស្សិតផ្នែក គ្រប់គ្រងទូទៅ។ មិនត្រឹមតែប៉ុណ្ណោះ តារាចម្រៀងរ៉េបរូបនេះ គឺមានចំណង់ចំណូលចិត្តខាងរកស៊ី ដោយលោកចេះរកស៊ីលក់ដូរតាំងពីថ្នាក់ទី ៥ មកម្ល៉េះ។
បើតាមកិច្ចសម្ភាសក្នុងកម្មវិធី អ្នកជិតខាង លោក Toro បានឱ្យដឹងថា លោកចេះធ្វើចំណីចំណុកលក់តាំងពីរៀនថ្នាក់ទី ៥ មកម្ល៉េះ។ ម្យ៉ាងវិញទៀត កាលពីពេលថ្មីៗ អំឡុងពេលបាញ់ត្រាងល្បី លោកក៏លក់ដូចគ្នាដែរ ទើបតែពេលចូលប្រឡងទើបលោកឈប់លក់៕
សូមចុចទីនេះ ដើម្បីទស្សនាវីដេអូ៖
